पनीर प्रेमींसाठी मेजवानी! जेवणाची रंगत वाढवण्यासाठी १० मिनिटांमध्ये बनवा Paneer Pepper Fry, नोट करा रेसिपी

पनीर पाहिल्यानंतर सगळ्यांच्या तोंडाला पाणी सुटते. म्हणूनच आज आम्ही तुम्हाला झटपट तयार होणारे पनीर पेपर फ्राय बनवण्याची कृती सांगणार आहोत. हा पदार्थ सगळ्यांचं खूप जास्त आवडेल.

जेवणाच्या ताटात प्रत्येकाला काहींना काही चमचमीत पदार्थ खाण्यास हवे असतात. रोजच्या जेवणातील तेच ठराविक पदार्थ खाऊन कंटाळा आल्यानंतर नवनवीन पदार्थांची यादी सोशल मीडियावर शोधली जाते. पण कामाच्या धावपळीमध्ये जेवण बनवण्यास जास्त वेळ मिळत नाही. म्हणूनच आज आम्ही तुम्हाला १० मिनिटांमध्ये तयार होणारे पनीर पेपर फ्राय बनवण्याची सोपी रेसिपी सांगणार आहोत. हा पदार्थ कमीत कमी साहित्यात झटपट तयार होतो आणि शरीरासाठी सुद्धा गुणकारी आहे. पनीरपासून बनवलेले पदार्थ सगळ्यांचं खायला खूप जास्त आवडतात. पनीर मटार, पनीर टिक्का हे पदार्थ सगळ्यांच्या आवडीचे आहेत. पनीर पेपर फ्राय बनवताना तुम्ही वेगवेगळ्या भाज्यांचा सुद्धा वापर करू शकता. भाज्या खाल्ल्यामुळे शरीराला आवश्यक पोषण मिळते आणि मुलं सुद्धा आवडीने खातात. चला तर जाणून घेऊया रेसिपी.(फोटो सौजन्य – AI)

श्रावणातील सणांसाठी १० मिनिटांमध्ये बनवा भाजलेल्या चण्यांचे मलाईदार पेढे, विकतचे गोड पदार्थ खाणे कायमचे जाल विसरून

साहित्य:

• पनीर
• काळीमिरी पावडर
• मीठ
• कांदा
• शिमला मिरची
• आलं लसूण पेस्ट
• कढीपत्ता
• लाल तिखट
• हळद
• धणे पावडर
• लिंबाचा रस
• कोथिंबीर
• मीठ

दूध, खव्याचा वापर न करता उपवासासाठी बनवा खोबरं शेंगदाण्याची बर्फी! १५ दिवस व्यवस्थित टिकून राहील पदार्थ

कृती:

• पनीर पेपर फ्राय बनवण्यासाठी सर्वप्रथम, वाटीमध्ये पाणी घेऊन त्यात पनीर काहीवेळ भिजत ठेवा.
• स्वच्छ केलेल्या पनीरचे मध्यम आकारात तुकडे करून त्यावर चवीनुसार मीठ आणि काळीमिरी पावडर घालून हलक्या हाताने मिक्स करा.
• कढईमध्ये तेल गरम करून त्यात पनीरचे तुकडे घालून मंद आचेवर भाजा. यामुळे पदार्थाची चव मस्त लागेल.
• कढईमधील शिल्लक राहिलेल्या तेलात जिरं आणि हिंग घाला. त्यानंतर त्यात हिरवी मिरची आणि कांदा घालून लालसर होईपर्यंत भाजून घ्या.
• कांदा सोनेरी झाल्यानंतर तयार आलं लसूण पेस्ट घालून भाजून घ्या. त्यानंतर त्यात हळद, लाल तिखट, धणे पावडर घालून मिक्स करा.
• त्यानंतर त्यात भाजून घेतलेले पनीर घालून मिक्स करा. एक वाफ आल्यानंतर त्यात लिंबाचा रस, कोथिंबीर घालून मिक्स करा.
• तयार आहे सोप्या पद्धतीमध्ये बनवलेले पनीर पेपर फ्राय.