इडली खायची इच्छा झाली आहे? मग सोप्या पद्धतीमध्ये बनवा घरी बनवा मऊसूत खोबरं पोह्यांची इडली

नेहमी नेहमी तांदूळ आणि उडीद डाळीचा वापर करून बनवलेली इडली खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही खोबर आणि पोह्यांचा वापर करून चविष्ट आणि पौष्टिक इडली बनवू शकता.

सकाळच्या नाश्त्यात सर्वच घरांमध्ये इडली, डोसा, मेदू वडा, उत्तपा इत्यादी साऊथ इंडियन पदार्थ बनवले जातात. त्यातील सगळ्यांच्या आवडीचा पदार्थ म्हणजे इडली. मऊलुसलुशीत इडली खाल्यानंतर पोटही भरते आणि पचनास सुद्धा फायदे होतात. तांदूळ आणि उडीद डाळीचा वापर करून इडली बनवली जाते. मात्र नेहमी नेहमी तांदूळ आणि उडीद डाळीचा वापर करून बनवलेली इडली खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही खोबर आणि पोह्यांचा वापर करून चविष्ट आणि पौष्टिक इडली बनवू शकता. अनेकदा तुम्ही पोह्यांचा वापर करून बनवलेली इडली खाल्ली असेल पण खोबऱ्याची इडली चवीला अतिशय सुंदर लागते. त्यामुळे तुम्ही सकाळच्या नाश्त्यात, दुपारच्या जेवणात किंवा संध्याकाळच्या नाश्त्यात ही इडली बनवू खाऊ शकता. चला तर जाणून घेऊया खोबरं पोह्यांची इडली बनवण्याची सोपी रेसिपी.(फोटो सौजन्य – iStock)

Masala Pav: स्ट्रीट फूड लव्हर्ससाठी खास 15 मिनिटांची रेसिपी, पाहता क्षणी तोंडाला पाणी सुटेल

साहित्य:

• तांदूळ
• उडीद डाळ
• मोहरी
• पोहे
• मेथी दाणे
• दही
• हिरवी मिरची
• कोथिंबीर
• ओलं खोबरं
• मोहरी
• मीठ
• पाणी
• तेल

Mahashivratri Special: उपवासाच्या दिवशी सोप्या पद्धतीमध्ये झटपट बनवा उपवासाचे कुरकुरीत कटलेट्स

कृती:

• खोबरं पोह्यांची इडली बनवण्यासाठी सर्वप्रथम, तांदूळ, पांढरी उडीद डाळ, पोहे, मेथी दाणे स्वच्छ धुवून ४ तास पाण्यात भिजत ठेवा.
• त्यानंतर मिक्सरच्या भांड्यात टाकून बारीक पेस्ट तयार करून घ्या. तयार केलेल्या इडलीच्या बॅटरमध्ये जास्त पाणी टाकू नये.
• तयार केलेल्या बॅटरमध्ये दही टाकून रात्रभर पीठ फर्मेंटेशन होण्यासाठी ठेवा.
• इडली बनवण्याआधी त्यात ओलं खोबरं आणि कोथिंबीर टाकून मिक्स करा. त्यानंतर फोडणीच्या वाटीमध्ये तेल गरम करून त्यात
• मोहरी, कढीपत्ता घालून फोडणी भाजून घ्या. तयार केलेली फोडणी इडलीच्या बॅटरमध्ये टाकून मिक्स करा आणि त्यात चवीनुसार मीठ टाकून मिक्स करा.
• इडलीच्या भांड्याला तेल लावून त्यात इडलीचे पीठ टाकून 15 मिनिटं वाफवण्यासाठी ठेवा.,
• तयार आहे सोप्या पद्धतीमध्ये बनवलेली खोबरं पोह्यांची इडली.