Sunday होईल आणखीनच मजेदार! सकाळच्या नाश्त्यासाठी झटपट बनवा बटाटा सँडविच, नोट करा रेसिपी

सुट्टीच्या दिवशी सकाळच्या नाश्त्यात काय बनवावं सुचत नाही. अशावेळी तुम्ही सोप्या पद्धतीमध्ये बटाटा सँडविच बनवू शकता. सँडविच खाल्यामुळे पोटसुद्धा भरलेले राहते. जाणून घ्या बटाटा सँडविच बनवण्याची सोपी रेसिपी.

रविवार म्हणजे सगळ्यांसाठी सुट्टीचा दिवस. सुट्टीच्या दिवशी घरातील प्रत्येकालच काहींना काही चमचमीत आणि चविष्ट पदार्थ खाण्याची इच्छा होते. नेहमीच उपमा, शिरा खाऊन कंटाळा येतो. अनेक लोक सुट्टीच्या दिवशी बाहेरून विकत आणलेले पदार्थ खातात. मात्र नेहमीच तेलकट किंवा तिखट पदार्थ खाणे आरोग्यासाठी चांगले नाही. तेलकट पदार्थांचे अतिसेवन केल्यामुळे पोटात ऍसिडिटी वाढते, कोलेस्ट्रॉल वाढणे, बद्धकोष्ठता याशिवाय इतरही समस्या उद्भवू लागतात. त्यामुळे नाश्त्यात किंवा जेवणात नेहमीच हेल्दी आणि टेस्टी पदार्थ खावेत. म्हणूनच आज आम्ही तुम्हाला सोप्या पद्धतीमध्ये बटाटा सँडविच बनवण्याची सोपी रेसिपी सांगणार आहोत. बटाटा खाणे आरोग्यासाठी चांगले आहे. बटाट्याचे सेवन केल्यामुळे पोट दीर्घकाळ भरलेले राहते आणि लवकर भूक लागत नाही. याशिवाय लहान मुलांपासून अगदी मोठ्यांपर्यंत सगळ्यांचं सँडविच खायला खूप जास्त आवडतात.सकाळच्या वेळी पोटभर नाश्ता केल्यास लवकर भूक लागत नाही. चला तर जाणून घेऊया बटाटा सँडविच बनवण्याची सोपी रेसिपी.(फोटो सौजन्य – pintrest)

तुम्ही कधी Veg Panini खाल्ला आहे का? कुरकुरीत ब्रेडमध्ये भरलेली चिजी स्टफिंग, हलक्याफुलक्या नाश्त्यासाठी उत्तम पर्याय

साहित्य:

• ब्रेड
• बटाटा
• कांदा
• मिरची
• आलं लसूण पेस्ट
• जिऱ्याची पावडर
• धणे पावडर
• गरम मसाला
• हळद
• लिंबाचा रस
• कोबी
• बटर
• चीज
• सॉस, हिरवी चटणी

सकाळच्या नाश्त्यासाठी ५ मिनिटांमध्ये बनवा चहा मलाई टोस्ट, सोशल मीडियावरील व्हायरल रेसिपी

कृती:

• बटाटा सँडविच बनवण्यासाठी सर्वप्रथम, कुकरमधून बटाटा शिजवून थंड करून घ्या. त्यानंतर साल काढून बटाटा वाटीमध्ये व्यवस्थित मॅश करा.
• कढईमध्ये तेल गरम करून त्यात जिरं, बारीक चिरलेला कांदा आणि हिरवी मिरची घालून व्यवस्थित मिक्स करा. त्यानंतर त्यात चवीनुसार मीठ घालून मिक्स करा.
• नंतर त्यात आलं लसूण पेस्ट घालून व्यवस्थित मिक्स करा. नंतर त्यात मॅश केलेले बटाटे, हळद, धणे पावडर, गरम मसाला घालून व्यवस्थित मिक्स करा.
• सगळ्यात शेवटी बारीक चिरून घेतलेली कोथिंबीर आणि लिंबाचा रस घालून मिक्स करून घ्या.
• ब्रेडच्या स्लाईसवर तयार केलेले मिश्रण पसरवून घ्या. तसेच दुसऱ्या ब्रेड स्लाइसवर सुद्धा बटाट्याचे मिश्रण लावून घ्या.
• त्यानंतर ब्रेड स्लाईसच्या आतमध्ये किसून घेतलेले चीज घालून सँडविच ग्रील होण्यासाठी ठेवा. दोन्ही बाजूने सँडविच कुरकुरीत भाजून झाल्यानंतर दोन तुकडे करा.
• तयार आहे सोप्या पद्धतीमध्ये बनवलेला बटाटा सँडविच. हा पदार्थ सॉस किंवा चटणीसोबत तुम्ही खाऊ शकता.