संध्याकाळच्या जेवणासाठी १० मिनिटांमध्ये बनवा पंजाबी स्टाईल दाल तडका, फोडणीच्या सुगंधाने लागेल भूक

भातासोबत खाण्यासाठी कायमच वरण किंवा तिखट डाळ बनवली जाते. पण आज आम्ही तुम्हाला पंजाबी स्टाईलने दाल तडका बनवण्याची सोपी रेसिपी सांगणार आहोत. हा पदार्थ आरोग्यासाठी सुद्धा उत्तम आहे.

जेवणाच्या ताटात प्रत्येकाला कायमच चमचमीत पदार्थ खाण्यास हवे असतात डाळभात, भाजी, चपाती हे ठराविक पदार्थ कायमच बनवले जातात. पण नेहमीच फोडणीचे वरण खाऊन कंटाळा आल्यानंतर काहींना काही नवीन पदार्थ खाण्यास हवा असतो. म्हणूनच आज आम्ही तुम्हाला १० मिनिटांमध्ये पंजाबी स्टाईल दाल तडक बनवण्याची सोपी रेसिपी सांगणार आहोत. दाल तडका तुम्ही गरमागरम वाफाळत्या भातासोबत किंवा चपातीसोबत सुद्धा खाऊ शकता. जेवणाची चव वाढवण्यासाठी पदार्थाला कायमच फोडणी दिली जाते. फोडणीवर संपूर्ण पदार्थाची चव अवलंबुन असते. त्यामुळे डाळीला किंवा इतर कोणत्याही पदार्थांना फोडणी देताना त्यात सर्व पदार्थ अंदाजाने टाकावेत. यामुळे पदार्थाची चव सुधारते. पंजाबी स्टाईल पदार्थ खाण्यासाठी कायमच हॉटेलमध्ये किंवा ढाब्यावर जावे लागते. पण घरच्या घरी सुद्धा तुम्ही पंजाबी स्टाईल दाल तडका बनवू शकता. कमीत कमी साहित्यात बनवले जाणारे पदार्थ चवीसोबतच आरोग्यासाठी गुणकारी आहेत. चला तर जाणून घेऊया दाल तडका बनवण्याची सोपी रेसिपी. (फोटो सौजन्य – istock)

One Pot Recipe: १० मिनिटांत कुकरमध्ये बनवा स्ट्रीट स्टाईल पावभाजी, सकाळचा नाश्ता होईल आणखीनच मजेदार

साहित्य:

• मुगडाळ
• तूरडाळ
• हळद
• मीठ
• लाल तिखट
• आलं लसूण
• कढीपत्त्याची पाने
• कांदा
• टोमॅटो
• लाल तिखट
• धणे
• जिरं
• लाल सुक्या मिरच्या
• मोहरी
• तूप

Chutney Recipe: १० मिनिटांमध्ये झटपट बनवा विकत मिळते तशी आंबटगोड खजूर चटणी, तोंडाची वाढेल चव

कृती:

• दाल तडका बनवण्यासाठी सर्वप्रथम, कुकरमध्ये स्वच्छ धुवून घेतलेली तूरडाळ आणि मुगडाळ घ्या. त्यानंतर त्यात आवश्यकतेनुसार पाणी, हळद, चवीनुसार मीठ घालून झाकण बंद करून डाळ शिजण्यासाठी ठेवा.
• कुकरच्या ५ ते ६ शिट्ट्या काढल्यानंतर डाळ व्यवस्थित शिजेल. थंड झालेली डाळ व्हिस्कीच्या सहाय्याने गुसळून घ्या.
• कढईमध्ये तूप गरम करून घ्या. गरम तुपात मोहरी, हिंग, जिरं भाजून झाल्यानंतर कढीपत्त्याची पाने, बारीक चिरलेला कांदा, टोमॅटो आणि आलं लसूण पेस्ट घालून मंद आचेवर शिजवून घ्या.
• त्यानंतर हळद, लाल तिखट, गरम मसाला घालून व्यवस्थित मिक्स करा. मसाले तेलात भाजून झाल्यानंतर त्यात डाळ घालून मिक्स करा.
• डाळीला उकळी आल्यानंतर त्यात आवश्यकता वाटल्यास पाणी घालावे. त्यानंतर बारीक चिरलेली कोथिंबीर घालून गॅस बंद करा.
• फोडणीच्या वाटीमध्ये तूप गरम करून त्यात ठेचून घेतलेला लसूण आणि लाल तिखट घालून डाळीवर फोडणी द्या.
• तयार आहे सोप्या पद्धतीमध्ये बनवलेली पंजाबी स्टाईल दाल तडका.