सकाळच्या घाईगडबडीमध्ये नाश्त्यासाठी बनवा नाचणीच्या पिठाचा जाळीदार चिला

सकाळच्या नाश्त्यात नेमकं काय बनवून खावं असा प्रश्न सगळ्यांचं पडतो. अशावेळी तुम्ही नाश्त्यात नाचणीचा चिला बनवू शकता. नाचणीचा चिला बनवण्यासाठी फार कमी वेळ लागतो. तसेच नाचणी आरोग्यासाठी सुद्धा खूप पौष्टिक आहे. नाचणीचे सेवन केल्यामुळे आरोग्य सुधारण्यास मदत होते. चला तर जाणून घेऊया नाचणी चिला बनवण्याची सोपी रेसिपी.

सकाळी उठल्यानंतर काहींना ऑफिसला जायची घाई तर लहान मुलांना शाळेत जाण्याची घाई असते. अनेकदा सकाळच्या वेळी नाश्त्यामध्ये नेमकं काय बनवावं? हा प्रश्न सर्वच महिलांना पडतो. अशावेळी अनेकदा बाहेरून विकतचा नाश्ता आणला जातो. पण सतत बाहेरचे पदार्थ खाल्यामुळे आरोग्य बिघडण्याची शक्यता असते. त्यामुळे मुलांना आणि घरातील इतरांना बाहेरील पदार्थ खायला देण्यापेक्षा घरातील पदार्थ द्यावेत. आज आम्ही तुम्हाला नाश्त्यात बनवण्यासाठी नाचणीचे चिला कसा बनवावा, याची सोपी रेसिपी सांगणार आहोत. नाचणी आरोग्यासाठी अतिशय पौष्टिक आहे. नाचणीमध्ये असलेल्या गुणधर्मांमुळे आरोग्य सुधारण्यास मदत होते. नाचणीच्या पिठापासूनन बनवलेले पदार्थ खाल्यास शरीरात ऊर्जा वाढून अशक्तपणा दूर होईल. चला तर जाणून घेऊया नाचणी चिला बनवण्याची सोपी रेसिपी.(फोटो सौजन्य-istock)

साहित्य:

• नाचणीचं पीठ
• तांदळाचे पीठ
• मीठ
• तेल
• कांदा
• हिरवी मिरची
• हळद
• रवा
• गाजर

हे देखील वाचा: ‘या’ 6 सुपरफूड्समुळे राहील Lungs उत्तम आणि शरीर भरभक्कम, आजच करा आहारात समाविष्ट

कृती:

• नाचणीचा चिला बनवण्यासाठी सर्वप्रथम वाटीभर नाचणीचं पीठ घेऊन त्यात तांदळाचे पीठ टाकून मिक्स करा.
  नंतर त्यात रवा टाका.
• चवीनुसार मीठ, किसलेला गाजर, कांदा, हिरवी मिरची टाकून झाल्यानंतर पुन्हा एकदा मिश्रण व्यवस्थित मिक्स करा.
• नंतर त्यात हळद, जिरे पावडर आणि आवश्यकतेनुसार पाणी टाकून मिक्स करून घ्या. चिला बनवताना जास्त पाणी पिठामध्ये टाकू नये.
• गॅसवर तवा गरम करण्यासाठी ठेवा. तवा गरम झाल्यानंतर त्यावर थोडस तेल टाकून तयार केलेले मिश्रण पसरवून घ्या.
• दोन्ही बाजूने चिला भाजून झाल्यानंतर काढून घ्या. हा चिला तुम्ही चटणी किंवा सॉस सोबत खाऊ शकता.
• अशा पद्धतीने तयार आहे नाचणीचा चविष्ट चिला.