लहान मुलांची रोगप्रतिकारशक्ती मजबूत ठेवण्यासाठी सोप्या पद्धतीमध्ये बनवा नाचणी शेवग्याचं सूप, नोट करून घ्या रेसिपी

सकाळच्या नाश्त्यासाठी लहान मुलांपासून अगदी मोठ्यांपर्यंत सगळ्यांसाठी तुम्ही नाचणी मोरिंगा सूप बनवू शकता. हा पदार्थ कमीत कमी वेळात झटपट तयार होतो. जाणून घ्या सूप बनवण्याची रेसिपी.

वातावरणात होणाऱ्या बदलांचा परिणाम लहान मुलांच्या आरोग्यावर लगेच दिसून येतो. कारण मुलांची रोगप्रतिकारशक्ती अतिशय कमकुवत असते. त्यांना कोणत्याही गंभीर आजाराची सहज लागण होते. त्यामुळे १ ते १० वर्षांखालील मुलांना कायमच घरी बनवलेले पौष्टिक आणि हेल्दी पदार्थ खाण्यास द्यावेत. विकतचे पदार्थ बनवताना एकाच तेलाचा अनेकदा वापर केला जातो. तसेच तिखट आणि अतितेलकट पदार्थांचे सेवन केल्यामुळे लहान मुलं वारंवार आजारी पडतात. म्हणूनच आज आम्ही तुम्हाला सोप्या पद्धतीमध्ये नाचणी शेवग्याचं सूप बनवण्याची सोपी रेसिपी सांगणार आहोत. शेवग्याच्या शेंगा लहान मुलांपासून अगदी मोठ्यांपर्यंत सगळ्यांसाठी खूप पौष्टिक आहेत. नियमित शेवग्याच्या शेंगा खाल्यास हाडे मजबूत राहण्यासोबतच शरीरात ताकद कायम टिकून राहील. शेगव्याच्या शेंगांमध्ये प्रथिने, जीवनसत्त्व ए, सी, आणि के, तसेच लोह, कॅल्शियम आणि पोटॅशियम इत्यादी अनेक घटक मुबलक प्रमाणात आढळून येतात. तर नाचणीचे सेवन केल्यास लोहाची निर्मिती होऊन शरीरात रक्ताची कमतरता जाणवत नाही. चला तर जाणून घेऊया नाचणी शेवग्याचं सूप बनवण्याची सोपी रेसिपी.(फोटो सौजन्य – pinterest)

Weight loss साठी सोपा उपाय! रोजच्या आहारात नियमित खा भोपळ्याच्या बियांची चटणी, नोट करून घ्या पारंपरिक पदार्थ

साहित्य:

• नाचणीचे पीठ
• शेवग्याच्या शेंगा
• गाजर
• मटार
• पाणी
• लिंबाचा रस
• आलं
• काळीमिरी पावडर
• तूप
• दालचिनी पावडर
• जिरं

पार्टी स्नॅक्ससाठी परफेक्ट पर्याय, घरी बनवा टेस्टी ‘बेबी कॉर्न चिली’; अवघ्या 10 मिनिटांची रेसिपी

कृती:

• नाचणी शेवग्याचे सूप बनवण्यासाठी सर्वप्रथम, कुकरमध्ये पाणी घालून त्यात शेवग्याच्या शेंगा, गाजर आणि मटार शिजण्यासाठी ठेवा. ५ ते ६ शिट्ट्या काढून शेंगा शिजवून घ्या.
• सर्व भाज्या थंड झाल्यानंतर व्यवस्थित मॅश करून त्यातील गार काढा. त्यानंतर त्यात पाणी घालून मिश्रण व्यवस्थित गाळून घ्या.
• टोपात तूप गरम करून त्यात जिरं, आलं लसूण पेस्ट आणि भाज्यांची पेस्ट घालून व्यवस्थित मिक्स करा. एक वाफ आल्यानंतर त्यात गाळून घेतलेले भाज्यांचे पाणी घालून व्यवस्थित मिक्स करा.
• तयार केलेल्या सूपमध्ये काळीमिरी पावडर, चवीनुसार मीठ, बारीक कुटून तयार केलेला मसाला आणि लिंबाचा रस घालून व्यवस्थित मिक्स करा.
• सूपला उकळी आल्यानंतर त्यात नाचणीच्या पिठाची तयार केलेली पेस्ट आणि बारीक चिरलेली कोथिंबीर घालून व्यवस्थित मिक्स करा.
• तयार आहे सोप्या पद्धतीमध्ये बनवलेले नाचणी शेवग्याचे सूप. सूप चवीला अतिशय सुंदर लागेल.