Rava Ladoo: रव्याचे लाडू कायमचं कडक होतात? मग ‘या’ सोप्या पद्धतीने बनवा बिनपाकातील परांपारिक रव्याचे लाडू, नोट करा रेसिपी

Rava Ladoo: आज आम्ही तुम्हाला सोप्या पद्धतीमध्ये बिनपाकाचे रव्याचे लाडू बनवण्याची रेसिपी सांगणार आहोत. या पद्धतीने बनवलेले लाडू अजिबात कडक किंवा चिवट होणार नाहीत. चला तर जाणून घेऊया रेसिपी.

Rava Ladoo: दिवाळी सणाला अवघे काही दिवस शिल्लक राहिले आहेत. दिवाळीच्या आधी घरात साफसफाई करून वेगवेगळे फराळाचे पदार्थ बनवले जातात. चकली,करंजीपासून ते बेसन, रव्याच्या लाडूपर्यंत अनेक विविध पदार्थ बनवले जातात. त्यातील अतिशय कठीण वाटणारा पदार्थ म्हणजे रव्याचे लाडू. पण रव्याचे लाडू बनवताना कायमच चुका होतात आणि लाडूची चव पूर्णपणे बिघडून जाते. लाडू कधी खूप जास्त कडक होतात तर कधी मऊ होऊन लाडू व्यवस्थित वळता येत नाहीत. त्यामुळे आज आम्ही तुम्हाला बिनपाकाचे रव्याचे लाडू बनवण्याची सोपी रेसिपी सांगणार आहोत. या पद्धतीने बनवलेले रव्याचे लाडू अजिबात कडक होणार नाहीत आणि चव सुद्धा मस्त लागेल. याशिवाय लाडू खालल्यानंतर घरातील सगळेच तुमच कौतुक करतील. चला तर जाणून घेऊया कमी वेळेत आणि झटपट तयार होणारे रव्याचे लाडू.(फोटो सौजन्य – pinterest)

Lemon Peel Masala: लिंबाच्या साली फेकून देत असाल तर थांबा! घरच्या घरी बनवा सुगंधी चटपटीत लिंबाच्या सालींचा मसाला

साहित्य:

• रवा
• तूप
• पिठीसाखर
• वेलची पावडर
• पिस्त्याचे काप
• मनुके

Paan Mukhwas Recipe: विड्याच्या पानांपासून या पद्धतीने घरीच बनवा अस्सल शाही मुखवास, पदार्थ खाऊन घरातील सगळेच करतील कौतुक

कृती:

• बिनपाकाचे रवा लाडू बनवण्यासाठी सर्वप्रथम, कढईमध्ये तूप गरम करण्यासाठी ठेवा. तूप गरम झाल्यानंतर गॅस बारीक करून त्यात रवा घाला आणि मंद आचेवर भाजा.
• २० ते २५ मिनिटं रवा चमच्याने सतत मिक्स करत राहा. यामुळे रवा कढईला चिकटणार नाही आणि रवा लालसर भाजला जाईल.
• रव्याचा रंग हळूहळू बदलू लॉंगल्यानंतर लालसर झाल्यानंतर गॅस बंद करा. त्यानंतर त्यात पुन्हा एकदा वाटीभर तूप घालून मिक्स करा.
• रवा हलकासा कोमट झाल्यानंतर त्यात आवडीनुसार पिठीसाखर आणि वेलची पावडर घालून सर्व मिश्रण व्यवस्थित मिक्स करा आणि १ तासभर मिश्रण मुरण्यासाठी ठेवून द्या.
• त्यानंतर तयार केलेले मिश्रण मिक्सरच्या भांड्यात टाकून वाटून घ्या. यामुळे लाडू मऊसूत वळले जातील. त्यानंतर पिस्ता आणि मनुके घालून तुम्हाला हवे त्या आकारात लाडू वळून घ्या.
• तयार आहेत सोप्या पद्धतीमध्ये बनवलेले बिनपाकाचे खमंग रवा लाडू. हे लाडू अजिबात कडक होणार नाहीत.