Paan Mukhwas Recipe: विड्याच्या पानांपासून या पद्धतीने घरीच बनवा अस्सल शाही मुखवास, पदार्थ खाऊन घरातील सगळेच करतील कौतुक

Paan Mukhwas Recipe: आज आम्ही तुम्हाला विड्याच्या पानांपासून अस्सल शाही मुखवास बनवण्याची सोपी रेसिपी सांगणार आहोत. या पद्धतीने बनवलेला मुखवास चवीसोबतच शरीरासाठी सुद्धा गुणकारी आहे.

Paan Mukhwas Recipe: जेवण झाल्यानंतर अजूनही बऱ्याच घरांमध्ये आजीआजोबा पान किंवा मुखवास खातात. पान खाल्ल्याशिवाय जेवल्यासारखे अजिबात वाटत नाही. लग्नसमारंभ किंवा हॉटेलमध्ये जेवणानंतर आवडीने मुखवास खाल्ले जाते. बडीशेप आणि इतर विविध पदार्थांचा वापर करून बनवलेले मुखवास चवीसोबतच शरीरासाठी सुद्धा फायदेशीर आहे. त्यामुळे आज आम्ही तुम्हाला अस्सल शाही मुखवास बनवण्याची सोपी रेसिपी सांगणार आहोत. या पद्धतीने बनवलेला मुखवास ३ ते ४ दिवस सहज टिकून राहतो. याशिवाय कमीत कमी साहित्यात बनवलेला मुखवास घरातील प्रत्येक व्यक्ती अतिशय आवडीने खाईल. सुपारी टाकून विड्याची पाने खाण्याऐवजी या पद्धतीने मुखवास बनवून खावा. चला तर जाणून घेऊया शाही मुखवास बनवण्याची सोपी रेसिपी.(फोटो सौजन्य – pinterest)

Kojagiri Purnima 2026: कोजागिरीच्या चांदण्यात घ्या मसाला दुधाचा आस्वाद! घरच्या घरी बनवा चविष्ट रेसिपी

साहित्य:

• विड्याची पाने
• बडीशेप
• धना डाळ
• सुक्या खोबऱ्याचा किस
• गोड बडीशेप
• टुटीफ्रूटी
• टरबूजच्या बिया
• गुलकंद

Crispy Thin Poha Chivda Recipe: चिवडा होणार एकदम कुरकुरीत! ना वातड, ना मऊ; पातळ पोह्यांचा चिवडा बनवण्याची सोपी ‘ही’ ट्रिक!

कृती:

• विड्याच्या पानांचा शाही गुलकंद बनवण्यासाठी सर्वप्रथम, विड्याची पाने स्वच्छ धुवून कॉटनच्या कपड्याने कोरडी करून घ्या.
• त्यानंतर पानांचे बारीक तुकडे करा. मोठ्या वाटीमध्ये चिरलेली पाने, धना डाळ, बडीशेप घालून मिक्स करा.
• तयार केलेल्या मिश्रणात सुक्या खोबऱ्याचा किस, रंगीत गोड बडीशेप, टूटी-फ्रूटी आणि टरबूजच्या बिया घालून सर्व साहित्य हाताने व्यवस्थित मिक्स करा.
• सगळ्यात शेवटी तयार केलेल्या मिश्रणात दोन चमचे किंवा तुमच्या आवडीनुसार गुलकंद घालून मिक्स करून घ्या.
• तयार आहे घरी बनवलेला अस्सल शाही मुखवास. हा पदार्थ लहान मुलांपासून ते घरातील मोठ्यांपर्यंत सगळ्यांचं खूप जास्त आवडेल.
• मुखवास जेवणानंतर किंवा तोंडाची खराब झालेली चव वाढवण्यासाठी खाल्ला जातो.