माघी गणेश जयंतीनिमित्त बाप्पाच्या प्रसादासाठी सोप्या पद्धतीमध्ये बनवा स्वादिष्ट रव्याचे मोदक

गणपती बाप्पाच्या नैवेद्यात प्रामुख्याने उकडीचे मोदक दाखवले जाते. मात्र काहींना हे मोदक बनवायला जमत नाही. अशावेळी तुम्ही चविष्ट रव्याचे मोदक बनवू शकता. प्रसादासाठी रव्याचे मोदक हा पर्याय उत्तम आहे. जाणून घ्या सोपी रेसिपी.

दरवर्षी मोठ्या आनंदात आणि उत्साहात माघी गणेश जयंती साजरी केली जाते. अनेक ठिकाणी गणपती बाप्पाचे आगमन करून विधिवत पूजा करून दुसऱ्या दिवशी बाप्पाला निरोप दिला जातो. गणेश जयंतीच्या निमित्ताने अनेक ठिकाणी वेगवेगळ्या कार्यक्रमांचे आयोजन केले जाते. याशिवाय बापाच्या नैवेद्यात वेगवेगळ्या प्रकारचे मोदक बनवले जातात. बापाला मोदक खूप आवडतात. अनेकदा घरी उकडीचे मोदक बनवताना त्यांची उकड व्यवस्थित येत नाही. उकड व्यवस्थित तयार न झाल्यामुळे मोदकांच्या काळ्या तुटून पडतात. त्यामुळे आज आम्ही तुम्हाला गणेश जयंतीनिमित्त बाप्पाच्या प्रसादासाठी रव्याचे मोदक बनवण्याची सोपी रेसिपी सांगणार आहोत. चला तर जाणून घेऊया रव्याचे मोदक बनवण्याची सोपी रेसिपी.(फोटो सौजन्य – iStock)

महागडे कोल्ड्रिंक्स पिण्यापेक्षा घरी १५ रुपयांमध्ये बनवा ‘मिंट मोइतो क्युब्स’, महिनाभर राहतील टिकून

See more

साहित्य:

• रवा
• तूप
• काजू बदाम तुकडे
• ओलं खोबरं
• गूळ
• वेलची पावडर
• साखर

माघी गणेशोत्सवासाठी मोदकांचे दोन स्वादिष्ट प्रकार; चवीत उत्तम आणि Healthy

See more

कृती:

• रव्याचे मोदक बनवण्यासाठी सर्वप्रथम, मोठ्या पॅनमध्ये तूप टाकून ते गरम करून घ्या. त्यानंतर त्यात किसून घेतलेलं ओलं खोबरं टाकून लाल होईपर्यंत व्यवस्थित भाजा.
• नंतर त्यात चवीनुसार गूळ, वेलची पावडर आणि काजू बदामाचे बारीक करून घेतलेले तुकडे टाकून मिक्स करून घ्या.
  तयार करून घेतलेले सारण व्यवस्थित भाजून नंतर थंड करण्यासाठी ठेवा.
• मोदकाची पारी तयार करण्यासाठी सर्वप्रथम पॅनमध्ये तूप घालून त्यात रवा टाकून व्यवस्थित भाजा. नंतर भाजून घेतलेल्या रव्यात दूध टाकून गव्हाच्या पिठासारखा गोळा तयार करून घ्या.
• नंतर रव्यात थोडीशी साखर आणि वेलची पावडर टाकून मिक्स करताना तूप टाका.
• तयार करून घेतलेले रव्याचे पीठ व्यवस्थित मळून मऊ झाल्यानंतर त्याचे छोटे छोटे गोळे करून पारी बनवा.
• तयार केलेल्या पारीमध्ये खोबऱ्याचे सारण भरून मोदकांच्या काळ्या पाडा किंवा साच्याच्या सहाय्याने मोदक तयार करून घ्या.
• तयार आहेत सोप्या पद्धतीमध्ये बनवलेले रव्याचे मोदक.