पौष्टिकतेने समृद्ध असलेल्या कच्च्या केळींपासून पारंपरिक पद्धतीत बनवा चविष्ट भाजी, वजन राहील नियंत्रणात

कच्च्या केळीची भाजी चवीला अतिशय सुंदर लागते. कमीत कमी साहित्यात झटपट तुम्ही भाजी बनवू शकता. केळीची भाजी चवीसोबतच आरोग्यासाठी सुद्धा पौष्टिक आहे.

सकाळच्या नाश्त्यात नियमित दोन केळी खाण्याचा सल्ला कायमच दिला जातो. केळी खाल्ल्यामुळे शरीराला भरपूर फायदे होतात. पिकलेल्या केळींप्रमाणे कच्ची केळीसुद्धा आरोग्यासाठी फायदेशीर आहेत. अनेक लोक कच्ची केळी शिजवून तर काही कच्च्या केळींपासून वेगवेगळे पदार्थ बनवून खातात. कोकणातील प्रत्येक घरात कच्ची केळी आणल्यानंतर भाजी बनवली जाते. हिरव्या मिरचीचा वापर करून बनवलेली चविष्ट भाजी उपवासाच्या दिवशी सुद्धा खाल्ली जाते. बऱ्याचदा घरात भाजी काय बनवावी सुचत नाही. नेहमीच्या त्याच ठराविक भाज्या खाऊन कंटाळा आल्यानंतर काहींना काही नवीन पदार्थ खाण्यास हवा असतो. अशावेळी तुम्ही पारंपरिक पद्धतीमध्ये कच्ची केळींपासून भाजी बनवू शकता. कच्च्या केळ्यामध्ये पोटॅशियम, फायबर आणि अँटिऑक्सिडंट्स भरपूर प्रमाणात आढळतात. ज्यामुळे वाढलेले वजन नियंत्रणात राहते आणि पचनक्रिया सुधारण्यास मदत होते. कच्ची केळी आणल्यानंतर ती थेट खाऊ नये. भाजी किंवा कोणताही पदार्थ बनवून खावा. कच्च्या केळ्यांमध्ये असलेले चीक तोंडाला लागल्यानंतर दात आणि एलर्जी होण्याची शक्यता असते. चला तर जाणून घेऊया कच्च्या केळ्यांची भाजी बनवण्याची सोपी रेसिपी. (फोटो सौजन्य – istock)

Food Recipe: जिभेवर ठेवताच विरघळून जाईल शाही चवीचा ‘कॅरॅमल शिरा’, नोट करून घ्या झटपट तयार होणारी रेसिपी

साहित्य:

• कच्ची केळी
• जिरं
• हिरवी मिरची
• खोबऱ्याचा किस
• मीठ
• कोथिंबीर
• हळद
• तेल किंवा तूप

साधा भात कशाला, घरी बनवा हॉटेल स्टाईल ‘सोया फ्राइड राईस’; चायनीज लव्हर्ससाठी खास, नोट करा रेसिपी

कृती:

• कच्च्या केळ्यांची भाजी बनवण्यासाठी, सर्वप्रथम कच्ची केळ्यांची साल काढून बारीक तुकडा करा. चिरून घेतलेली भाजी काहीवेळ पाण्यात ठेवा.
• केळी पाण्यात ठेवल्यामुळे काळी पडणार नाहीत.
• कढईमध्ये तेल गरम करून त्यात जिरं आणि कच्ची केळी घालून मिक्स करा. झाकण मारून केळी मंद आचेवर शिजण्यासाठी ठेवा.
• झाकणावर पाणी ठेवण्यास केळी कढईला चिकटणार नाहीत. भाजी शिजल्यानंतर त्यात हळद आणि चवीनुसार मीठ घालून व्यवस्थित मिक्स करा.
• केळीची भाजी कायमच वाफेवर शिजवावी. भाजीला एक वाफ आल्यानंतर त्यात ओल्या खोबऱ्याचा किस घालून व्यवस्थित मिक्स करा.
• तयार आहे सोप्या पद्धतीमध्ये बनवलेली कच्च्या केळ्यांची भाजी. ही भाजी तुम्ही नुसतीच सुद्धा खाऊ शकता.