कडाक्याच्या उन्हाळ्यात अस्सल कोकणी पद्धतीने बनवा आंबटगोड कैरीची कढी, गरमागरम भातासोबत लागेल चविष्ट

जेवणात कायमच तीच ठराविक डाळ खाऊन कंटाळा आल्यास सोप्या पद्धतीमध्ये आंबटगोड कैरीची कढी बनवावी. हा पदार्थ सगळ्यांना खायला खूप जास्त आवडेल आणि चव सुद्धा सुंदर लागेल.

कोकणाचे नाव ऐकल्यानंतर सगळ्यात पहिली आठवण हापूस आंब्यांची होते. फळांचा राजा म्हणून ओळखला जाणारा कोकणचा हापूस आंबा केवळ भारतातच नाही संपूर्ण जगभरात फेमस आहे. उन्हाळा ऋतूला सुरुवात झाल्यानंतर कोकणातील प्रत्येक घरात कैरीपासून अनेक वेगवेगळे पदार्थ बनवले जातात. कैरीचे लोणचं, मुरंबा तर कच्च्या कैरीची आमटी सुद्धा अतिशय आवडीने खाल्ली जाते. आंबटगोड चवीची कैरी पाहिल्यानंतर सगळ्यांच्या तोंडाला पाणी सुटते. कैरीपासून अनेक वेगवेगळे पदार्थ बनवले जातात. त्यामुळे आज आम्ही तुम्हाला आंबटगोड चवीच्या कैरीपासून कढी बनवण्याची सोपी रेसिपी सांगणार आहोत. कोकणात सोलकढी हा पदार्थ खूप फेमस आहे, त्याप्रमाणे कैरीची कढी सुद्धा खूप फेमस आहे. कच्च्या कैरीपासून बनवलेली गरमागरम कढी वाफाळत्या भातासोबत अतिशय सुंदर लागते. उन्हाळ्याच्या दिवसांमध्ये शरीरात वाढलेली उष्णता कमी करण्यासाठी कच्च्या कैरीपासून बनवलेल्या कढीचे सेवन करावे. यामुळे शरीरात थंडावा टिकून राहील. आंबटगोड चवीची कैरी कढी पाहिल्यानंतर तोंडाला पाणी सुटते. चला तर जाणून घेऊया कोकणी पद्धतीमध्ये कैरीची कढी बनवण्याची सोपी रेसिपी.(फोटो सौजन्य – pinterest)

लग्नाच्या पंगतीमधील चमचमीत मसाला भात आता घरीच बनवा, खमंग पदार्थाने वाढेल जेवणाची चव

साहित्य:

• कैरी
• मीठ
• ओल्या नारळाचा किस
• गूळ
• आलं लसूण हिरवी मिरची पेस्ट
• तेल
• मेथी दाणे
• लाल सुकी मिरची
• हिंग
• कोथिंबीर

रविवारचा बेत करा खास, घरी बनवा हैरदराबादी स्टाईल ‘हरियाली चिकन’, रेसिपी जिंकेल सर्वांची मन

कृती:

• कच्च्या कैरीची आंबटगोड कढी बनवण्यासाठी सर्वप्रथम, कैरी स्वच्छ धुवून साल न काढता वाफेवरून शिजवून घ्या. कैरी पूर्णपणे मऊ होईपर्यंत शिजवावा.
• त्यानंतर शिजवलेली कैरी थंड करून आतील गर काढून घ्या. मिक्सरच्या भांड्यात कैरीचा आणि ओल्या खोबऱ्याचा किस घालून बारीक पेस्ट तयार करून घ्या.
• त्यानंतर वाटणामध्ये पाणी घालून त्यात पुन्हा एकदा मिक्सरमध्ये लावून घ्या. यामुळे सर्व मिश्रण व्यवस्थित मिक्स होईल.
• तयार केलेले मिश्रण गाळून घ्या. त्यानंतर त्यात आलं लसूण पेस्ट, गूळ आणि चवीनुसार मीठ घालून व्यवस्थित मिक्स करा.
• फोडणीच्या वाटीमध्ये तेल गरम करुन त्यात मोहरी, मेथी दाणे आणि लाल मिरची टाकून भाजा. तयार केलेली फोडणी भाजल्यानंतर कढीमध्ये ओतून मिक्स करा.
• त्यानंतर तयार केलेली कढी गॅसवर ठेवून मंद आचेवर काहीवेळ शिजवा. तयार आहे सोप्या पद्धतीमध्ये बनवलेली आंबटगोड कैरीची कढी.