Chutney Recipe: वरणभात किंवा भाकरीसोबत खाण्यासाठी सोप्या पद्धतीमध्ये बनवा कच्च्या टोमॅटोची चटणी, नोट करा रेसिपी

कच्च्या टोमॅटोचा जेवणातील पदार्थ बनवण्यासाठी केला जातो. मात्र आज आम्ही तुम्हाला कच्च्या टोमॅटोचा वापर करून चटणी बनवण्याची सोपी रेसिपी सांगणार आहोत. तुम्ही बनवलेली टोमॅटोची चटणी घरातील सगळ्यांना नक्कीच आवडेल.

रोजच्या आहारात भाकरी किंवा चपातीसोबत खाण्यासाठी नेहमी नेहमी काय बनवावं? हा प्रश्न सगळ्यांचं पडतो. रोज रोज त्याच भाज्या खाऊन कंटाळा आल्यानंतर काहींना काही नवीन पदार्थ खाण्याची इच्छा झाल्यास तुम्ही कच्च्या टोमॅटोची चटणी बनवू शकता. कच्च्या टोमॅटोचा वापर जेवण बनवताना केला जातो. याआधी तुम्ही शेंगदाणे, खोबरं किंवा इतर पदार्थांपासून बनवलेली चटणी खाल्ली असेल. पण आज आम्ही तुम्हाला कच्च्या टोमॅटोची चटणी कशी बनवावी याची सोपी रेसिपी सांगणार आहोत. घाईगडबडीमध्ये भाजी बनवण्याचा कंटाळा आल्यानंतर तुम्ही चटणी बनवू शकता. ही चटणी दोन ते तीन दिवस सहज टिकून राहते. डाळ भात किंवा भाकरी बनवल्यानंतर तुम्ही तोंडी लावण्यासाठी टोमॅटोची चटणी खाऊ शकता. यामुळे जेवणात दोन घास जास्त जातील. चला तर जाणून घेऊया टोमॅटोची चटणी बनवण्याची रेसिपी.(फोटो सौजन्य – iStock)

ऑफिसच्या डब्यासाठी ‘या’ पद्धतीने बनवा चमचमीत भेंडी फ्राय, लहान मुलं आवडीने खातील भाजी

साहित्य:

• कच्चे टोमॅटो
• लसूण
• हिरवी मिरची
• शेंगदाणे
• मीठ
• सुकी मिरची
• कोथिंबीर
• भिजवलेली चणा डाळ
• जिरं

Raw Banana Chutney: कच्च्या केळीपासून बनवा चविष्ट अन् पौष्टिक चटणी; चव अशी बोटं चाटत रहाल

कृती:

• टोमॅटोची चटणी बनवण्यासाठी सर्वप्रथम, कच्चे टोमॅटो स्वच्छ धुवून बारीक तुकडे करून घ्या. त्यानंतर तव्यावरील गरम तेलात टोमॅटो भाजून घ्या.
• त्यावर तव्यावर पुन्हा एकदा तेल टाकून त्यात लसूण, हिरव्या मिरच्या, जिरे आणि मीठ घालून व्यवस्थित भाजा. नंतर त्यात चणा डाळ घालून व्यवस्थित लाल होईपर्यंत भाजा.
• तव्यावर भाजून घेतलेले सर्व साहित्य मिक्सरच्या भांड्यात टाकून जाडसर बारीक वाटून घ्या. त्यानंतर त्यात भाजून घेतलेला टोमॅटो आणि कोथिंबीर टाकून पुन्हा एकदा वाटा.
• फोडणीच्या वाटीमध्ये तेल गरम करून त्यात हिंग, ठेचलेला लसूण, लाल सुक्याच्या टाकून तडका तयार करा.
• वाटीमध्ये काढून घेतलेल्या चटणीवर तयार फोडणी टाकून मिक्स करून घ्या.
• तयार आहे सोप्या पद्धतीमध्ये बनवलेली कच्च्या टोमॅटोची खमंग चटणी.