Recipe : झणझणीत पदार्थाने वाढवा बोरिंग जेवणाची चव, घरी बनवा अस्सल गावरान चवीचा ‘लाल मिरचीचा ठेचा’

Red Chili Thecha Recipe : झणझणीत ठेचा म्हणजे महाराष्ट्राची जान, पारंपारिक लाल मिरचीचा ठेचा घरी कसा तयार करायचे ते जाणून घ्या. याची चव जेवणाची मजा वाढवेल. हा ठेचा अनेक दिवसांपर्यंत टिकून राहतो.

• लाल मिरचीचा ठेचा म्हणजे महाराष्ट्राच्या खाद्यसंस्कृतीतील एक पारंपारिक पदार्थ.
• हिरव्या मिरचीचाच नाही तर लाल मिरचीचाही ठेचा चवील स्वादिष्ट लागतो.
• आज आपण गावरान पद्धतीत लाल मिरचीचा ठेचा कसा तयार करायचा याची रेसिपी जाणून घेणार आहोत.

महाराष्ट्राच्या पारंपरिक जेवणात ठेच्याला एक खास स्थान आहे. साधं, झणझणीत आणि तोंडाला पाणी आणणारं असं हे चटपटीत लोणच्यासारखं भाजीसारखं साइड डिश प्रत्येक गावागावात वेगवेगळ्या पद्धतीने बनवलं जातं. विशेषतः ग्रामीण भागात ज्वारी-भाकरी, पिठलं किंवा वांग्याच्या भरीतासोबत लाल मिरचीचा ठेचा खाल्ला की जेवणाची मजा दुप्पट होते.

Summer Special : आइसक्रीमला द्या ब्रेक, उन्हाळ्यात थंडगार लिंबाच्या चवीसह घरी बनवा ‘लेमन सॉर्बेट’, रेसिपी नोट करा

लाल मिरचीचा ठेचा म्हणजे केवळ तिखटपणा नव्हे, तर त्यात लसूण, शेंगदाणे आणि तेल यांचा सुंदर मिलाफ असतो. यामुळे चव अधिक गडद आणि रुचकर बनते. हा ठेचा कमी वेळात तयार होतो आणि साध्या जेवणालाही खास बनवतो. घरच्या घरी बनवलेला ठेचा बाजारात मिळणाऱ्या कोणत्याही चटणीपेक्षा अधिक चविष्ट आणि आरोग्यदायी असतो. चला याची रेसिपी नोट करून घेऊयात.

साहित्य:

• सुक्या लाल मिरच्या – 10 ते 12
• लसूण पाकळ्या – 8 ते 10
• भाजलेले शेंगदाणे – 2 टेबलस्पून
• मीठ – चवीनुसार
• तेल – 1 ते 2 टेबलस्पून
• जिरे – ½ टीस्पून

ताक, सरबत पिऊन कंटाळा आला असेल तर संत्र्याच्या रसापासून बनवा रिफ्रेशिंग Orange Soda, नोट करून घ्या रेसिपी

कृती:

• सर्वप्रथम सुक्या लाल मिरच्या स्वच्छ करून त्यांचे देठ काढा.
• कढईत थोडं तेल गरम करून त्यात लाल मिरच्या हलक्या भाजून घ्या. त्या जळू देऊ नका.
• त्याच कढईत लसूण आणि जिरे घालून थोडं परतून घ्या.
• आता भाजलेले शेंगदाणे सोलून तयार ठेवा.
• खलबत्त्यात किंवा मिक्सरमध्ये प्रथम मिरच्या जाडसर वाटून घ्या.
• त्यात लसूण, जिरे, शेंगदाणे आणि मीठ घालून पुन्हा जाडसर ठेचा तयार करा.
• शेवटी वरून थोडं गरम तेल घालून व्यवस्थित मिसळा.
• ठेचा नेहमी जाडसर वाटला कीच त्याची खरी चव येते.
• खलबत्त्यात केलेला ठेचा अधिक पारंपरिक आणि स्वादिष्ट लागतो.
• तिखटपणा कमी हवा असल्यास मिरच्या कमी घ्या किंवा बिया काढा.
• गरम भाकरीसोबत हा लाल मिरचीचा ठेचा खाल्लात तर साधं जेवणही खास मेजवानीसारखं वाटेल.