दुपारच्या जेवणात स्टॉरंट स्टाइल दाल खिचडी अवघ्या १० मिनिटांमध्ये बनवा, वाचा सोपी रेसिपी

दुपारच्या जेवणात तुम्ही दाल खिचडी बनवू शकता. कारण दाल खिचडी हा पदार्थ सगळ्यांचं खूप आवडतो. दाल खिचडी पचनास हलकी असल्यामुळे हॉटेलमध्ये गेल्यानंतर किंवा इतर वेळी दाल खिचडीच खाल्ली जाते.

दुपारच्या जेवणात नेहमी नेहमी चपाती भाजी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी नेमकं काय बनवावं सुचत नाही. दुपारच्या जेवणात पचनास हलके आणि पौष्टिक पदार्थ खावेत. यामुळे आरोग्याला अनेक फायदे होतील. जेवण बनवण्याचा कंटाळा आल्यानंतर अनेक घरांमध्ये सोप्या पद्धतीमध्ये दाल खिचडी बनवली जाते. त्यामुळे आज आम्ही तुम्हाला स्टॉरंट स्टाइल दाल खिचडी बनवण्याची सोपी रेसिपी सांगणार आहोत. हॉटेलमध्ये गेल्यानंतर किंवा कोणत्याही धाब्यावर गेल्यानंतर सगळ्यात आधी मागवला जाणारा पदार्थ म्हणजे दाल खिचडी. दाल खिचडी चवीला अतिशय सुंदर लागते. शिवाय हा पदार्थ पचनास हलका असल्यामुळे अनेक लोक दुपारच्या किंवा संध्याकाळच्या जेवणात दाल खिचडी बनवून खातात. चला तर जाणून घेऊया स्टॉरंट स्टाइल दाल खिचडी बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• तांदूळ
• मुगाची डाळ
• कांदा
• टोमॅटो
• हिरवी मिरची
• लाल तिखट
• हळद
• गरम मसाला
• मीठ
• तेल
• कोथिंबीर

नवनवीन रेसिपीसाठी इथे क्लिक करा

कृती:

• दाल खिचडी बनवण्यासाठी सर्वप्रथम, तांदूळ आणि डाळ स्वच्छ धुवून काहीवेळ पाण्यात भिजत ठेवा.
• खिचडी बनवण्यासाठी कुकर गरम करण्यासाठी ठेवा. कुकरमध्ये तेल टाकून त्यात हिंग, मोहरीची फोडणी देऊन हिरवी मिरची आणि कांदा, टोमॅटो टाकून मिक्स करा.
• कांदा व्यवस्थित शिजण्यासाठी त्यात मीठ टाकून मिक्स करा. यामुळे कांदा व्यवस्थित शिजला जाईल.
• कांदा टोमॅटो व्यवस्थित शिजल्यानंतर त्यात सर्व मसाले टाकून व्यवस्थित मिक्स करून थोडस पाणी घालून मसाला भाजून घ्या.
• नंतर त्यात भिजवत ठेवलेली डाळ आणि तांदूळ टाकून २ ग्लास पाणी घालून कुकरचे झाकण बंद करा.
• कुकरच्या 5 शिट्ट्या काढून गॅस बंद करा. कुकर थंड झाल्यानंतर झाकण खोलून वरून कोथिंबीर टाकून सर्व्ह करा.
• तयार आहे 10 मिनिटांमध्ये बनवलेली चविष्ट डाळ खिचडी.