दोडक्याची साल फेकून देता? मग पारंपरिक पद्धतीने घरी बनवा सालींची सुकी चटणी, नोट करून घ्या रेसिपी

आज आम्ही तुम्हाला सोप्या पद्धतीमध्ये दोडक्याच्या सालींची चटणी बनवण्याची सोपी रेसिपी सांगणार आहोत. हा पदार्थ भाकरीसोबत अतिशय सुंदर लागतो. जाणून घ्या दोडक्याच्या सालींची चटणी बनवण्याची रेसिपी.

प्रत्येक स्वयंपाक घरात दररोज वेगवेगळ्या भाज्या बनवल्या जातात. कोबी, पालक, भेंडी, भोपळा इत्यादी अनेक वेगवेगळ्या प्रकारच्या भाज्यांपासून नवनवीन रेसिपी बनवल्या जातात. भाज्यांमध्ये असलेल्या बिया आणि भाज्यांची साल बऱ्याचदा फेकून दिली जाते. पण यामध्ये भरपूर पोषक घटक आढळून येतात. घरात दोडक्याची भाजी आणल्यानंतर भाजीवरील साल काढून फेकून दिली जाते. पण याच सालींचा वापर करून तुम्ही नवीन रेसिपी बनवू शकता. आज आम्ही तुम्हाला दोडक्याच्या सालींची सुकी चटणी बनवण्याची सोपी रेसिपी सांगणार आहोत. हा पदार्थ कमीत कमी साहित्यामध्ये झटपट तयार होतो. याशिवाय दोडक्याच्या सालींची चटणी तुम्ही भाकरी किंवा चपातीसोबत खाऊ शकता. हा पदार्थ चवीला अतिशय सुंदर लागतो. दोडक्याच्या सालींची चटणी आठवडाभर व्यवस्थित टिकून राहते लहान मुलांना दोडक्याची भाजी खायला आवडत नाही. त्यामुळे मुलांना तुम्ही वेगवेगळ्या रेसिपी बनवून खाण्यास देऊ शकता. चला तर जाणून घेऊया दोडक्याच्यासालींची चटणी बनवण्याची सोपी रेसिपी.(फोटो सौजन्य – pinterest)

थंडीच्या दिवसांमध्ये शरीराची ऊर्जा वाढवण्यासाठी ‘या’ पद्धतीने बनवा मिक्स भाज्यांचे झणझणीत सूप, शरीरात कायम टिकून राहील ऊर्जा

साहित्य:

• दोडक्याची साल
• सुक खोबर
• तीळ
• लसूण
• मीठ
• कांदा
• जिरं
• लाल तिखट
• पावडर
• हळद
• गरम मसाला
• तेल

Bharli Mirchi Recipe : भाजी काय करावं ते सुचत नाही? मग झटपट घरी बनवा गावरान स्टाईल ‘भरली मिरची फ्राय’

कृती:

• दोडक्याच्या सालींची चटणी बनवण्यासाठी सर्वप्रथम, दोडकी पाण्याने स्वच्छ धुवून घ्या. त्यानंतर त्याच्या वरील साल काढा.
  मिक्सरच्या भांड्यात दोडक्याची साल टाकून जाडसर वाटून घ्या.
• पॅन गरम करून त्यात थोडस तेल टाका. त्यानंतर पांढरे तीळ आणि सुक खोबर टाकून भाजून घ्या. पुन्हा एकदा तेल टाकून त्याच पॅनमध्ये बारीक चिरलेल्या लसूण पाकळ्या, जिरे, बारीक चिरलेला कांदा तेलावर लाल होईपर्यंत भाजा.
• त्यानंतर त्यात हळद, लाल मिरची पावडर, धणेपूड, गरम मसाला, चवीनुसार मीठ घालून व्यवस्थित मिक्स करा. तयार केलेल्या मिश्रणात सगळ्यात शेवटी साल, पांढरे तीळ आणि सुक खोबर टाकून मिक्स करून घ्या.
• तयार आहे सोप्या पद्धतीमध्ये बनवलेली दोडक्याची खमंग चटणी. हा पदार्थ कहाणी मुलांपासून मोठ्यांपर्यंत सगळ्यांचं खूप जास्त आवडेल.