Bharli Mirchi Recipe : भाजी काय करावं ते सुचत नाही? मग झटपट घरी बनवा गावरान स्टाईल ‘भरली मिरची फ्राय’

अनेकदा गृहिणींना जेवणात नवी कोणती भाजी बनवावी ते सुचत नाही. अशावेळी झटपट, मसालेदार आणि चविष्ट अशी भरली मिरची फ्राय तुमच्या जेवणासाठी एक परफेक्ट पर्याय ठरते. याची रेसिपी फार सोपी असून ती फार कमी वेळेत तयार होते.

(फोटो सौजन्य: Pinterest)

Follow Us:

Follow Us:

भारतीय स्वयंपाकात मिरचीचा वापर केवळ तिखटपणा वाढवण्यासाठीच नाही तर तोंडाची चव वाढवण्यासाठीही केला जातो. महाराष्ट्रात तर “भरली मिरची” ही एक लोकप्रिय साइड डिश आहे जी भाकरी, पोळी किंवा वरण-भातासोबत खाल्ली जाते. या रेसिपीमध्ये हिरव्या मोठ्या मिरच्यांमध्ये स्वादिष्ट मसाल्याचं सारण भरून त्या कुरकुरीत तळल्या जातात. थोड्याशा तेलात तळलेल्या या मिरच्या बाहेरून कुरकुरीत आणि आतून मसालेदार लागतात.

थंडीच्या दिवसांमध्ये शरीराची ऊर्जा वाढवण्यासाठी ‘या’ पद्धतीने बनवा मिक्स भाज्यांचे झणझणीत सूप, शरीरात कायम टिकून राहील ऊर्जा

अनेकदा जेवणात आता नवीन काय भाजी करावं ते गृहिणींना सुचत नाही अशात एक सोपा, झटपट आणि चवीला झणझणीत लागणार हा पदार्थ तुमच्या जेवणाची रंगत वाढवेल. भरली मिरची फ्राय ही खास करून पावसाळ्यात किंवा थंडीत जेवणात एक वेगळी चव आणते. यासाठी लागणारा मसाला घरच्या घरी तयार करता येतो आणि त्याची चव इतकी अप्रतिम असते की एकदा चाखली की परत परत खाविशी वाटते. चला तर मग पाहूया ही झणझणीत पण स्वादिष्ट भरली मिरची फ्राय रेसिपी.

साहित्य:

मिरच्यांसाठी:

• मोठ्या हिरव्या मिरच्या – 8 ते 10
• तेल – तळण्यासाठी

• भाजलेले शेंगदाणे – ½ कप (जाडसर वाटून घ्यावेत)
• किसलेला सुका नारळ – 2 टेबलस्पून
• धणेपूड – 1 टीस्पून
• जिरेपूड – ½ टीस्पून
• हळद – ¼ टीस्पून
• लाल तिखट – 1 टीस्पून
• आमचूर पावडर / चिंचेचा कोळ – 1 टीस्पून
• मीठ – चवीनुसार
• थोडं तेल – 1 टेबलस्पून
• बारीक चिरलेली कोथिंबीर – 1 टेबलस्पून

कृती :

• मोठ्या हिरव्या मिरच्यांना धुवून स्वच्छ पुसून घ्या. प्रत्येक मिरचीच्या एका बाजूला हलकी चीर द्या आणि बिया काढून टाका.
• एका पॅनमध्ये थोडं तेल गरम करून त्यात किसलेला सुका नारळ आणि शेंगदाणे हलकेसे भाजून घ्या. नंतर त्यात धणेपूड, जिरेपूड, हळद, लाल तिखट, आमचूर पावडर आणि मीठ घालून चांगलं एकत्र करा. शेवटी कोथिंबीर घालून मसाला थंड होऊ द्या.
• थंड झालेला मसाला प्रत्येक मिरचीमध्ये भरून घ्या. मसाला नीट आतपर्यंत भरला गेला पाहिजे.
• एका तव्यावर थोडं तेल गरम करा. त्यात भरलेल्या मिरच्या हलक्या हाताने ठेवा.
• झाकण ठेवून मिरच्या मंद आचेवर परता. मध्ये मध्ये पलटवत राहा म्हणजे सर्व बाजूंनी समान तळल्या जातील.
• मिरच्या कुरकुरीत आणि सोनसळी रंगाच्या झाल्या की गॅस बंद करा.
• भरली मिरची फ्राय भाकरी, ज्वारीची भाकरी, वरण-भात किंवा दह्यासोबत गरमागरम सर्व्ह करा.
• मिरच्या फार तिखट असतील तर त्यातील बिया पूर्णपणे काढून टाका.
• मसाला थोडा कोरडा ठेवा, नाहीतर तळताना बाहेर पडू शकतो.
• अधिक चवदारपणासाठी थोडं भाजलेलं तीळसुद्धा मसाल्यात घालू शकता.

Web Title: Make tasty easy and quick bharli mirchi fry at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com