रात्रीच्या जेवणात भाजी काय बनवावी सुचत नाही? मग सोप्या पद्धतीमध्ये बनवा खरपूस भाजलेल्या बटाट्याची खमंग भाजी

रात्रीच्या जेवणासाठी तुम्ही सोप्या पद्धतीमध्ये भाजलेल्या बटाट्याची खमंग भाजी बनवू शकता. हा पदार्थ गरमागरम चपातीसोबत अतिशय सुंदर लागतो. जाणून घ्या रेसिपी.

लहान मुलांपासून अगदी मोठ्यांपर्यंत सगळ्यांचं बटाट्याची भाजी खायला खूप जास्त आवडते. बटाटाची भाजी बनवल्यानंतर लहान मुलं आवडीने जेवतात. पण कायमच बटाट्याची भाजी खाऊन सगळ्यांचं कंटाळा येतो. बटाटा शिजवून, वाफवून, उकडून, परतून इत्यादी अनेक पद्धतीने बनवला जातो. रात्रीच्या जेवणात प्रत्येकालाच चमचमीत पदार्थ खाण्यास हवे असतात. म्हणूनच आज आम्ही तुम्हाला सोप्या पद्धतीमध्ये भाजलेल्या बटाट्याची खमन्ग भाजी बनवण्याची सोपी रेसिपी सांगणार आहोत. या भाजीला कोळश्याचा सुगंध आणि चव लागते. भाकरी किंवा गरमागरम पराठ्यासोबत तुम्ही बटाट्याची भाजी खाऊ शकता. हा पदार्थ बनवण्यासाठी अतिशय कमी साहित्य लागते. कमीत कमी वेळात तुम्हाला जर भाजी बनवायची असेल तर तुम्ही भाजलेल्या बटाट्याची भाजी बनवू शकता. चला तर जाणून घेऊया भाजलेल्या बटाट्याची खमंग भाजी.(फोटो सौजन्य – istock)

विकेंड स्पेशल! यंदा घरी ट्राय करा मंगलोरियन स्टाईल ‘प्राॅन्स घी रोस्ट’; मसालेदार आणि सुगंधित चव मनाला करेल खुश

साहित्य:

• बटाटा
• दही
• लाल तिखट
• हळद
• कोथिंबीर
• मीठ
• टोमॅटो
• लसूण
• हिरवी मिरची
• जिरं

राजस्थनी पद्धतीमध्ये झटपट बनवा ‘मिरची के टिपोरे’, चटपटीत रेसिपी पाहून सगळ्यांच्या तोंडाला सुटेल पाणी

कृती:

• भाजलेल्या बटाट्याची भाजी बनवण्यासाठी सर्वप्रथम, गॅस चालू करून त्यावर जाळी ठेवा. जाळीवर बटाटे ठेवून व्यवस्थित भाजून घ्या. बटाटे पूर्णपणे भाजल्यानंतर काहीवेळ थंड होण्यासाठी ठेवा. त्याच जाळीवर टोमॅटो सुद्धा भाजा.
• त्यानंतर भाजलेल्या बटाट्याची साल काढून बटाटे हाताने मॅश करा.
• मिक्सरच्या भांड्यात धणे, सुकी लाल मिरची, जिरं, भाजून घेतलेल्या हिरव्या मिरच्या, लसूण पाकळ्या मिक्सरच्या भांड्यात टाकून बारीक वाटून घ्या.
• कढईमध्ये तेल गरम करून त्यात तयार केलेला मसाला घालून तेल सुटेपर्यंत भाजा. त्यानंतर त्यात मॅश केलेला बटाटा आणि टोमॅटो, दही घालून मिक्स करा.
• आवश्यकता वाटल्यास थोडस पाणी घालून भाजी व्यवस्थित शिजवा. यामुळे पदार्थाला सुंदर चव लागेल. सगळ्यात शेवटी बारीक चिरलेली कोथिंबीर टाकून गॅस बंद करा.
• तयार आहे सोप्या पद्धतीमध्ये बनवलेली भाजलेल्या बटाट्याची भाजी. हा पदार्थ लहान मुलांपासून मोठ्यांपर्यंत सगळ्यांचं खूप जास्त आवडेल.