वरीचा भात खाऊन कंटाळा आला असेल तर सोप्या पद्धतीमध्ये बनवा उपवासाचे फ्रेंच फ्राइज, कुरकुरीत चविष्ट पदार्थ

महाशिवरात्रीच्या उपवासात नेहमी नेहमी तेच तेच पदार्थ खाऊन कंटाळा आल्यानंतर तुम्ही सोप्या पद्धतीमध्ये उपवासाचे फ्रेंच फ्राईज बनवू शकता. उपवासाचे फ्रेंच फ्राईज बनवण्यासाठी अतिशय सोपे आहेत. चला तर जाणून घेऊया रेसिपी.

हिंदू धर्मातील सगळ्यात पवित्र सण म्हणजे महाशिवरात्री. महाशिवरात्रीच्या दिवशी भगवान शंकराची मनोभावे पूजा केली जाते. याशिवाय अनेक गोड पदार्थांचा नैवेद्य दाखवला जातो. यंदाच्या वर्षी २६ फेब्रुवारीला महाशिवरात्री सण आहे. महाशिवरात्रीमध्ये अनेक महिला पुरुष उपवास करतात. भगवान शंकराची मनोभावे पूजा करून नंतरच उपवास सोडला जातो. उपवासाच्या दिवशी सर्वच घरांमध्ये साबुदाणा खिचडी, वरीचा भात, दाण्याची आमटी इत्यादी अनेक पदार्थ बनवले जातात. मात्र नेहमी नेहमी तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते, अशावेळी तुम्ही उपवासाचे फ्रेंच फ्राईज बनवू शकता. फ्रेंच फ्राईज हा पदार्थ सगळ्यांचं खूप आवडतो. चला तर जाणून घेऊया उपवासाचे फ्रेंच फ्राईज बनवण्याची सोपी रेसिपी.(फोटो सौजन्य – iStock)

महाशिवरात्रीसाठी सोप्या पद्धतीमध्ये बनवा चटकदार फराळी मिसळ, उपवासाच्यादिवशी होईल खास बेत

साहित्य:

• साबुदाणे
• उकडलेला बटाटा
• शेंगदाण्याचा कूट
• हिरवी मिरची
• तेल
• मीठ
• साखर

उपवासाच्या दिवशी पौष्टिक पदार्थ हवा आहे? मग १० मिनिटांमध्ये बनवा चविष्ट ‘रताळ्याचे थालीपीठ’

कृती:

• उपवासाचे फ्रेंच फ्राईज बनवण्यासाठी सर्वप्रथम, साबुदाणे भिजवून त्यातील पाणी काढून घ्या.
• मोठ्या बाऊलमध्ये भिजवून घेतलेले साबुदाणे, मॅश करून घेतलेला बटाटा, चवीनुसार मीठ आणि साखर, हिरव्या मिरचीची पेस्ट आणि जिरं टाकून मिश्रण तयार करून घ्या.
• तयार केलेल्या पिठाचा गोळा करून ताटाला तेल लावून त्यावर साबुदाण्याच्या पिठाचा गोळा लाटून घ्या.
• त्यानंतर हाताने थोडेसे थापून सुरीच्या सहाय्याने तुम्हाला हवे तसे तुकडे करून कढईतील गरम तेलात तळून घ्या.
• तयार आहेत सोप्या पद्धतीमध्ये बनवलेले उपवासाचे फ्रेंच फ्राईज.