उपवासाच्या दिवशी कुरकुरीत पदार्थ खाण्याची इच्छा झाल्यास सोप्या पद्धतीमध्ये बनवा चविष्ट उपवासाची करंजी, नोट करा रेसिपी

उपवासाला कायमच साबुदाणे खाऊन कंटाळा आल्यानंतर तुम्ही सोप्या पद्धतीमध्ये उपवासाची करंजी बनवू शकता. हा पदार्थ लहान मुलांसह मोठ्यांना खूप जास्त आवडेल.

नवरात्री उत्सवाचा आज सातवा दिवस. नऊ दिवसांच्या नवरात्री उत्सवात सगळीकडे मोठा जलोष असतो. या दिवसांमध्ये देवीची मनोभावे पूजा करून देवीच्या वेगवेगळ्या पदार्थांचा नैवेद्य अर्पण केला जातो. याशिवाय उपवास केल्यानंतर नाश्त्यात किंवा संध्याकाळच्या वेळी खाण्यासाठी वेगवेगळे पदार्थ बनवले जातात. म्हणूनच आज आम्ही तुम्हाला सोप्या पद्धतीमध्ये उपवासाची कुरकुरीत करंजी बनवण्याची सोपी रेसिपी सांगणार आहोत. दिवाळीच्या दिवसांमध्ये घरात आवर्जून बनवला जाणारा पदार्थ म्हणजे करंजी. खोबर आणि सुका मेवा वापरून बनवलेली करंजी चवीला अतिशय सुंदर लागते. उपवासाच्या दिवशी कायमच साबुदाणा, भगर किंवा राजगिऱ्याच्या पिठापासून काही ठराविक पदार्थ बनवले जातात. पण नेहमीच तेच तेच खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं इच्छा होते. चला तर जाणून घेऊया उपवासाची करंजी बनवण्याची सोपी रेसिपी.(फोटो सौजन्य: Pinterest)

रविवार होईल आणखीनच स्पेशल! घाईगडबडीच्या वेळी झटपट बनवा Cheese Potato Toast Sandwich, लहान मुलांसह मोठ्यांनीही आवडेल

साहित्य:

• साबुदाणा पीठ
• बटाटा
• मीठ
• हिरव्या मिरच्या
• जिरं
• कोथिंबीर
• शेंगदाण्याचा कूट
• ओल्या खोबऱ्याचा किस

जेवणात चार घास जातील जास्त! सोप्या पद्धतीमध्ये घरी बनवा झणझणीत लसूण लोणचं, नोट करून घ्या रेसिपी

कृती:

• उपवासाची करंजी बनवण्यासाठी सर्वप्रथम, मोठ्या ताटात साबुदाणा पीठ, मॅश केलेला बटाटा आणि चवीनुसार मीठ टाकून पीठ व्यवस्थित मळून घ्या.
• साबुदाणा पीठ मळताना त्यात आवश्यकता वाटल्यास पाणी घालावे,अन्यथा पाण्याचा वापर करू नये.
• कढईमध्ये तेल गरम करण्यासाठी ठेवा. गरम तेलात जिरं, हिरवी मिरची, बटाटा आणि शेंगदाण्याचा कूट टाकून मिक्स करा. त्यानंतर त्यात चवीनुसार साखर, मीठ आणि बारीक चिरलेली कोथिंबीर टाका.
• तयार केलेले सारण थंड होण्यासाठी ठेवा. करंजीमध्ये गरम सारण अजिबात भरू नये.
• तयार केलेल्या पिठाचे छोटे गोळे करून नाजूक पुरी लाटून घ्या. पुरीमध्ये सारण भरून दोन्ही कडा एकमेकांवर व्यवस्थित चिटकवून घ्या आणि काट्याच्या चमच्याने कडा हलक्या हाताने दाबून घ्या.
• कढईमधील गरम तेलात करंजी टाकून दोन्ही बाजूने लाल होईपर्यंत तळून घ्या. तयार आहे सोप्या पद्धतीमध्ये बनवलेली उपवासाची करंजी.