जेवणाला येईल चटकदार चव! रात्रीच्या जेवणासाठी पारंपरिक सारस्वत स्टाइलने बनवा आंबट बटाटा, चार घास जातील जास्त

जेवणात नेहमीच तेच ठराविक पदार्थ खाऊन कंटाळा आल्यानंतर तुम्ही सोप्या पद्धतीमध्ये आंबट बटाटा बनवू शकता. हा पदार्थ खोबऱ्याच्या वाटपात बनवला जातो. याशिवाय आंबटपणा येण्यासाठी चिंच गर घालतात.

रात्रीच्या जेवणात कायमच डाळभात, भाजी, चपाती इत्यादी ठराविक पदार्थ बनवले जातात. आपल्यातील अनेकांना जेवणाच्या ताटात चमचमीत आणि टेस्टी पदार्थ खाण्यास हवे असतात. कायमच तेच पदार्थ खाऊन कंटाळा आल्यानंतर नवीन पदार्थ खाण्याची सगळ्यांचं खूप इच्छा होते. अशावेळी तुम्ही सोप्या पद्धतीमध्ये सारस्वत स्टाइलने आंबट बटाट्याची भाजी बनवू शकता. लहान मुलांना बटाट्याची भाजी खायला खूप जास्त आवडते. बटाट्याच्या काचऱ्या, बटाट्याची तिखट भाजी, बटाट्याची रस्सा भाजी इत्यादी अनेक पदार्थ बनवले जातात. सारस्वत स्टाईल आंबट बटाटा भाजी तुम्ही कोणत्याही पदार्थसोबत खाऊ शकता. गरमागरम वाफाळता भात, चपाती किंवा भाकरीसोबत आंबट बटाटा अतिशय चविष्ट लागतो. तुम्ही बनवलेली आंबट बटाटा भाजी घरातील प्रत्येकालाच खूप जास्त आवडेल. चला तर जाणून घेऊया आंबट बटाटा बनवण्याची सोपी रेसिपी.(फोटो सौजन्य – pinterest)

Bharli Mirchi Recipe : भाजी काय करावं ते सुचत नाही? मग झटपट घरी बनवा गावरान स्टाईल ‘भरली मिरची फ्राय’

साहित्य:

• बटाटा
• ओल्या खोबऱ्याचा किस
• धणे
• हळद
• हिंग
• मीठ
• लाल तिखट
• काळीमिरी पावडर
• साखर
• मेथी दाणे
• चिंच

दोडक्याची साल फेकून देता? मग पारंपरिक पद्धतीने घरी बनवा सालींची सुकी चटणी, नोट करून घ्या रेसिपी

कृती:

• आंबट बटाटा बनवण्यासाठी सर्वप्रथम, बटाटे स्वच्छ धुवून साल काढून घ्या. त्यानंतर मध्यम आकाराचे तुकडे करा.
• कढईमध्ये तेल गरम करून त्यात मोहरी, हिंग आणि कढीपत्त्याची पाने टाकून मिक्स करा. त्यानंतर त्यात बारीक तुकडे केलेला बटाटा टाकून मिक्स करा.
• मिक्सरच्या भांड्यात ओल्या खोबऱ्याचा किस, धणे, हिरवी मिरची, लाल तिखट आणि हळद घालून बारीक पेस्ट तयार करा. वाटण करताना त्यात आवश्यकता वाटल्यास पाणी घालावे.
• बटाटे शिजल्यानंतर चिंच गर घालून व्यवस्थित मिक्स करून घ्या. त्यानंतर त्यात लाल तिखट आणि तयार करून घेतलेले वाटप घालून व्यवस्थित मिक्स करा.
• बटाटा शिजल्यानंतर सगळ्यात शेवटी चवीनुसार मीठ, काळीमिरी पावडर घालून व्यवस्थित मिक्स करून घ्या.
• तयार आहे सोप्या पद्धतीमध्ये बनवलेला सारस्वत स्टाइल आंबट बटाटा. हा पदार्थ कमीत कमी साहित्यात झटपट तयार होतो.