दिवसाची सुरुवात होईल पौष्टिक पदार्थाने! सकाळच्या नाश्त्यात सोप्या पद्धतीमध्ये बनवा शेवयांचा उपमा

सकाळच्या नाश्त्यात सोप्या पद्धतीमध्ये तुम्ही शेवयांचा उपमा बनवू शकता. शेवयांचा उपमा लहान मुलांसह मोठ्यांसुद्धा नक्कीच आवडेल. चला तर जाणून घेऊया शेवयांचा उपमा बनवण्याची सोपी रेसिपी.

सकाळच्या नाश्त्यात नेहमी नेहमी काय बनवावं? हा प्रश्न सगळ्यांचं पडतो. अशावेळी कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये शेवयांचा उपमा बनवू शकता. शेवयांचा उपमा बनवण्यासाठी जास्त वेळ लागत नाही. कमीत कमी साहित्यामध्ये हा पदार्थ तयार होतो. सकाळच्या नाश्त्यात नेहमी आरोग्यदायी आणि पौष्टिक पदार्थ खावेत. अशा पदार्थांचे सेवन केल्यामुळे शरीराला अनेक फायदे होतात. याशिवाय सकाळच्या वेळी नाश्ता केल्यामुळे पोट दीर्घकाळ भरलेले राहते आणि लवकर भूक लागत नाही. त्यामुळे सकाळच्या वेळी पोटभर नाश्ता करणे आवश्यक आहे. सकाळी नाश्ता करणे ही आरोग्यदायी सवय आहे. चला तर जाणून घेऊया शेवयांचा उपमा बनवण्याची सोपी रेसिपी.(फोटो सौजन्य – iStock)

सकाळच्या नाश्त्यात सोप्या पद्धतीमध्ये बनवा हेल्दी टेस्टी चिया सीड्स पुडिंग, वजन राहील नियंत्रणात

साहित्य:

• कांदा
• टोमॅटो
• हिरवी मिरची
• शेवया
• मीठ
• तेल
• शेंगदाणे
• कोथिंबीर
• हळद
• पाणी
• खोबऱ्याचे तुकडे
• लिंबाचा रस

पालक पाहून मुलं नाक मुरडतात? मग सोप्या पद्धतीमध्ये घरी बनवा चविष्ट पालक सूप, शरीराला होतील फायदे

कृती:

• शेवयांचा उपमा बनवण्यासाठी सर्वप्रथम, कढईमध्ये तेल गरम करून त्यात शेवया हलक्याशा भाजून घ्या.
• त्यानंतर त्याच कढईमध्ये पुन्हा एकदा तेल टाकून गरम करा. हिंग, मोहरी, जिरं आणि सर्व डाळी टाकून व्यवस्थित भाजून घ्या.
• नंतर त्यात बारीक चिरून घेतलेली हिरवी मिरची, कढीपत्ता, कांदा, टोमॅटो टाकून व्यवस्थित शिजवून घ्या.
• कांदा शिजताना त्यात चवीनुसार मीठ टाकून मिक्स करून घ्या. त्यानंतर त्यात भाजून घेतलेले शेंगदाणे, खोबऱ्याचे तुकडे टाकून मिक्स करा.
• नंतर त्यात हळद घालून मिक्स करून घ्या. आवश्यकतेनुसार पाणी घालून उकळी काढून त्यात शेवया शिजण्यासाठी टाका.
• मंद आचेवर शेवया शिजल्यानंतर गॅस बंद करून वरून कोथिंबीर टाकून सर्व्ह करा.
• तयार आहे सोप्या पद्धतीमध्ये बनवलेला शेवयांचा उपमा.