१० मिनिटांमध्ये सकाळच्या नाश्त्यासाठी सोप्या पद्धतीमध्ये बनवा सोया चंक्स पराठा, वाचा सोपी रेसिपी

सकाळच्या नाश्त्यात तुम्ही सोप्या पद्धतीमध्ये सोया चंक्स पराठा बनवू शकता. हा पदार्थ बनवण्यासाठी जास्त वेळ लागत नाही. कमीत कमी साहित्यामध्ये सोया चंक्स पराठा बनवता येईल. जाणून घ्या सोपी रेसिपी.

सकाळच्या नाश्त्यात नेहमी नेहमी काय खावं? हा प्रश्न सगळ्यांचं पडतो. कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा होते, अशावेळी तुम्ही सोप्या पद्धतीमध्ये सोया चंक्स पराठा बनवू शकता. सोयाबीन खाणे आरोग्यासाठी अतिशय फायदेशीर आहे. प्रोटीनयुक्त सोयाबीनचे सेवन केल्यामुळे शरीरातील प्रोटीनची कमतरता दूर होते. सोयाबीनपासून भाजी, पुलाव, सोया चाप इत्यादी अनेक पदार्थ बनवले जातात. त्यामुळे आज आम्ही तुम्हाला सोया चंक्स पराठा बनवण्याची सोपी रेसिपी सांगणार आहोत. याआधी तुम्ही मेथी, बटाटा, मटार किंवा इतर पदार्थांपासून बनवलेले पराठे खाल्ले असतील. चला तर जाणून घेऊया सोया चंक्स पराठा बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• भिजवलेले सोयाबीन
• आलं लसूण पेस्ट
• मीठ
• पाणी
• गव्हाचं पीठ
• हिरव्या मिरच्या
• कांदा
• लाल तिखट
• हळद
• गरम मसाला
• तूप
• कोथिंबीर

नवनवीन रेसिपीसाठी इथे क्लिक करा

कृती:

• सोया चंक्स पराठा बनवण्यासाठी सर्वप्रथम, गरम पाण्यात सोयाबीन भिजत ठेवा. त्यानंतर १ तासांनी सोयाबीन व्यवस्थित पाण्यात भिजले जातील.
• त्यानंतर मिक्सरच्या भांड्यात भिजवून घेतलेले सोयाबीन, आलं लसूण पेस्ट, हिरव्या मिरच्या घालून व्यवस्थित बारीक करून घ्या.
• कढईमध्ये तेल गरम करण्यासाठी ठेवा. गरम तेलात बारीक चिरून घेतलेला कांदा टाकून व्यवस्थित मिक्स करून घ्या.
• नंतर त्यात तयार करून घेतलेली सोयाबीनचा चुरा टाकून चवीनुसार मीठ टाका. नंतर त्यात लाल तिखट मसाला, हळद, गरम मसाला, धणे पूड, जिरेपूड, बारीक चिरलेली कोथिंबीर घालून ५ मिनिटं शिजवल्यानंतर गॅस बंद करून मिश्रण थंड होण्यासाठी ठेवा.
• मळून घेतलेल्या कणिक पिठाचा गोळा घेऊन त्यात तयार केलेले सोयाबीनचे सारण भरून पराठा लाटून तव्यावर दोन्ही बाजूने व्यवस्थित भाजून घ्या.
• भाजून झाल्यानंतर तूप लावून खाण्यासाठी सर्व्ह करा. तयार आहे सोप्या पद्धतीमध्ये बनवलेला सोया चंक्स पराठा.