दुपारच्या जेवणात तोंडी लावण्यासाठी झटपट बनवा मसालेदार आवळ्याची चटणी, वाचा सोपी रेसिपी

अनेकांना आवळा खायला आवडत नाही. अशावेळी तुम्ही आवळ्यापासून वेगवेगळे पदार्थ बनवून घरातील व्यक्तींना खाण्यास देऊ शकता. त्यामुळे आज आम्ही तुम्हाला आवळ्याची चटणी बनवण्याची सोपी रेसिपी सांगणार आहोत.

हिवाळ्यामध्ये बाजारात मोठ्या प्रमाणावर आवळे उपलब्ध असतात. आवळ्याचे सेवन करणे आरोग्यासाठी अतिशय फायदेशीर आहे. यामध्ये विटामिन सी आणि अँटीअँक्सीडेंट्स मुबलक प्रमाणात आढळून येतात, ज्यामुळे त्वचेसह केसांनासुद्धा अनेक फायदे होतात. आवळ्याचे सेवन केल्यामुळे त्वचेची गुणवत्ता सुधारते. याशिवाय आरोग्याला अनेक फायदे होतात. सकाळी उठल्यानंतर उपाशी पोटी आवळ्याच्या रसाचे सेवन केल्यास शरीरात साचून राहिलेली घाण स्वच्छ होण्यास मदत होईल. आवळ्यापासून अनेक वेगवेगळे पदार्थ बनवले जातात. आवळ्याची चटणी, मुरंबा, आवळा कँडी इत्यादी अनेक पदार्थ बनवले जातात. त्यामुळे आज आम्ही तुम्हाला दुपारच्या जेवणात तोंडी लावण्यासाठी आवळ्याची झणझणीत चटणी कशी बनवावी, याची सोपी रेसिपी सांगणार आहोत. ही चटणी तुम्ही चपाती, भाकरी इत्यादी पदार्थांसोबत खाऊ शकता.(फोटो सौजन्य – iStock)

नवनवीन बातम्यांसाठी इथे क्लिक करा

साहित्य:

• आवळा
• तेल
• मोहरी
• आलं
• कढीपत्ता
• आंबेहळद
• लाल तिखट मसाला
• बीटरूट
• मीठ
• गूळ

नवनवीन बातम्यांसाठी इथे क्लिक करा

कृती:

• आवळ्याची चटणी बनवण्यासाठी सर्वप्रथम, आवळे स्वच्छ धुवून बारीक तुकडे करून घ्या.
• त्यानंतर आवळ्याच्या फोडी गरम पाण्यात टाकून आवळ्यांना एक वाफ काढून घ्या.
• मोठ्या कढईमध्ये तेल गरम त्यात मोहरी घालून फोडणी भाजा. नंतर त्यात किसून घेतलेली ओली आंबेहळद, किसलेल बीटरुट आणि कढीपत्ता घालून मिक्स करून घ्या.
• त्यानंतर त्यात उकडवून घेतलेल्या आवळ्याच्या फोडी टाकून मिक्स करून घ्या.
• आवळे मिक्स करून झाल्यानंतर त्यात लाल तिखट, चवीनुसार मीठ आणि गुळाची पावडर टाकून मिक्स करा.
• सर्व मिश्रण व्यवस्थित मिक्स करून झाल्यानंतर तयार आहे सोप्या पद्धतीमध्ये बनवलेली आवळ्याची चटणी.