पावसाळ्यात मसालेदार आणि कुरकुरीत पदार्थ खाण्याची इच्छा झाल्यास सोप्या पद्धतीमध्ये बनवा Spring Roll, नोट करा रेसिपी

सकाळच्या नाश्त्यात किंवा इतर वेळी भूक लागल्यानंतर तुम्ही सोप्या पद्धतीमध्ये कुरकुरीत स्प्रिंग रोल बनवू शकता. हा पदार्थ लहान मुलांपासून अगदी मोठ्यांपर्यंत सगळ्यांचं खूप जास्त आवडेल. जाणून घ्या रेसिपी.

राज्यभरात सगळीकडे जोरदार पाऊस पडत आहे. पाऊस पडल्यानंतर सगळीकडे थंड वातावरण असते. थंड वातावरणात सगळ्यांचं भजी किंवा कुरकुरीत पदार्थ खाण्याची इच्छा होते. कायमच कांदाभजी, बटाटाभजी किंवा इतर वेगवेगळ्या पदार्थांच्या भजी खाऊन कंटाळा आल्यानंतर काहींना काही नवीन हटके पदार्थ सकाळच्या नाश्त्यात सगळ्यांचं हवे असतात. अशावेळी तुम्ही सोप्या पद्धतीमध्ये स्प्रिंग रोल बनवू शकता. हॉटेलमध्ये गेल्यानंतर स्टार्टर म्हणून स्प्रिंग रोल आवडीने खाल्ले जातात. घाईगडबडीच्या वेळी किंवा कुठेही बाहेर फिरायला जाताना तुम्ही स्प्रिंग रोल बनवून नेऊ शकता. सकाळच्या नाश्त्यात किंवा इतर वेळी भूक लागल्यानंतर काहींना काही चमचमीत किंवा मसालेदार पदार्थ हवा असेल तर तुम्ही स्प्रिंग रोल बनवू शकता. चला तर जाणून घेऊया सोप्या पद्धतीमध्ये स्प्रिंग रोल बनवण्याची सोपी रेसिपी.(फोटो सौजन्य – istock)

बाप्पाच्या नैवेद्यासाठी कांदा लसूणचा वापर न करता झटपट बनवा मटार बटाट्याची रस्सा भाजी, नोट करून घ्या रेसिपी

साहित्य:

• मैद्याचे पीठ
• कॉर्नफ्लोअर
• कोबी
• गाजर
• शिमला मिरची
• कांदा
• आलं लसूण पेस्ट
• सोया सॉस
• ग्रीन चिली सॉस
• टोमॅटो सॉस
• मीठ
• काळीमिरी पावडर

वाटीभर पनीरपासून १० मिनिटांमध्ये झटपट बनवा रसमलाई मोदक! नोट करून घ्या मोदक बनवण्याची सोपी रेसिपी

कृती:

• स्प्रिंग रोल बनवण्यासाठी सर्वप्रथम, मैदा, कॉर्नफ्लोर आणि मीठ ताटात घेऊन व्यवस्थित मिक्स करा. त्यानंतर त्यात आवश्यकतेनुसार पाणी घालून पिठाचा गोळा तयार करा. तयार केलेल्या पिठाला तेल लावून काहीवेळ बाजूला ठेवून द्या.
• कढईमध्ये तेल गरम करून त्यात बारीक चिरलेला कांदा घालून चवीनुसार मीठ टाका. कांदा भाजल्यानंतर त्यात आलं लसूण पेस्ट,गाजर, कोबी, सिमला मिरची घालून व्यवस्थित शिजवून घ्या. सर्व भाज्या मंद आचेवर शिजवा.
• भाज्या शिजल्यानंतर त्यात सोया सॉस, ग्रीन चिली सॉस, टोमॅटो सॉस आणि काळीमिरी पावडर घालून व्यवस्थित मिक्स करा.
• मैद्याच्या पिठाचे छोटे छोटे गोळे करून पातळ पुरी लाटून घ्या. त्यानंतर त्यात तयार केलेले सारण भरून रोल दोन्ही बाजूने व्यवस्थित बंद करा.
• कढईमधील गरम तेलात स्प्रिंग रोल दोन्ही बाजूने व्यवस्थित तळून घ्या.
• तयार आहे सोप्या पद्धतीमध्ये बनवलेला स्प्रिंग रोल. हा पदार्थ टोमॅटो सॉससोबत अतिशय सुंदर लागेल.