बाप्पाच्या नैवेद्यासाठी कांदा लसूणचा वापर न करता झटपट बनवा मटार बटाट्याची रस्सा भाजी, नोट करून घ्या रेसिपी

गणपती बाप्पाच्या नैवेद्यासाठी कांदा लसूणचा वापर न करता तुम्ही मटार बटाट्याची रस्सा भाजी बनवण्याची सोपी रेसिपी सांगणार आहोत. हा पदार्थ बनवण्यासाठी खूप कमी साहित्य लागत.

बाप्पाच्या नैवेद्यासाठी कांदा लसूणचा वापर न करता झटपट बनवा मटार बटाट्याची रस्सा भाजी

Follow Us:

Follow Us:

जेवणातील सर्वच पदार्थ बनवताना कांदा लसूणचा वापर केला जातो. कांदा लसूण शिवाय जेवणाची चव चांगली लागत नाही. पण गणपती बाप्पाच्या नैवेद्याला किंवा इतर कोणत्याही उपवासाच्या दिवशी कांदा लसूणचा वापर न करता जेवण बनवले जाते. नैवेद्याच्या जेवणात कांदा लसूणचा वापर अजिबात केला जात नाही. अशावेळी नेमकी कशी भाजी बनवावी? असे अनेक प्रश्न महिलांना पडतात. म्हणूनच आज आम्ही तुम्हाला कांदा लसूणचा वापर न करता नैवेद्यासाठी मटार बटाटा रस्सा भाजी बनवण्याची सोपी कृती सांगणार आहोत. या पद्धतीने बनवलेली रस्सा भाजी चवीला अतिशय सुंदर लागते. कमीत कमी साहित्यामध्ये अनेक कमी मसाल्यांचा वापर करून बनवलेले जेवण सगळ्यांचं खूप जास्त आवडते. चला तर जाणून घेऊया मटार बटाटा रस्सा भाजी बनवण्याची सोपी रेसिपी.(फोटो सौजन्य: Pinterest)

Gauri Pujan 2025 : गौरी पूजनाच्या ताटात हे पदार्थ आवर्जून असायलाच पाहिजेत; माहिती नसेल तर वेळीच माहिती करून घ्या

साहित्य:

• मटार
• बटाटा
• हिरव्या मिरच्या
• काळीमिरी
• आलं
• कढीपत्ता
• जिरं
• लाल तिखट
• हळद
• गरम मसाला
• टोमॅटो
• कसुरी मेथी
• मीठ
• कोथिंबीर

कृती:

• मटार बटाटा रस्सा भाजी बनवण्यासाठी सर्वप्रथम, कढईमध्ये तेल गरम करून घ्या. गरम तेलात जिरे, मोहरी, तेजपत्ता, लाल मिरची, हिंग, हळद घालून सर्व मसाले व्यवस्थित भाजून घ्या.
• मसाले भाजून झाल्यानंतर त्यात टोमॅटो प्युरी आणि चवीनुसार मीठ घालून व्यवस्थित टोमॅटो भाजून घ्या. टोमॅटोच्या पेस्टला तेल सुटल्यानंतर त्यातील पाणी पूर्णपणे कमी होईल.
• त्यानंतर त्यात बटाटा घालून व्यवस्थित मिक्स करा. तयार केलेल्या पेस्टमध्ये हिरवी मिरची, लाल तिखट, गरम मसाले, कसुरी मेथी आणि कोथिंबीर घालून व्यवस्थित मसाले तेलात भाजून घ्या.
• मसाले भाजल्यानंतर त्यात मटार टाकून मिक्स करा आणि आवश्यकतेनुसार कोमट पाणी घालून मटार शिजवून घ्या.
• मटार शिजल्यानंतर सगळ्यात शेवटी वरून पुन्हा एकदा बारीक चिरलेली कोथिंबीर घालून मिक्स करा.
• तयार आहे सोप्या पद्धतीमध्ये बनवलेली मटार बटाटा रस्सा भाजी. हा पदार्थ नैवेद्याच्या ताटात वाढण्यासाठी अतिशय उत्तम आहे.

Web Title: Make instant peas potato gravy without using onion garlic for bappa naivedya traditional indian curry recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com