वाढलेले वजन झपाट्याने होईल कमी! सकाळच्या नाश्त्यात करा स्ट्रॉबेरी स्मूदीचे सेवन, वाचा सोपी रेसिपी

चवीला आंबट गोड असलेली स्ट्रॉबेरी आरोग्यासाठी अतिशय गुणकारी आहे. वाढलेले वजन कमी करण्यासाठी तुम्ही स्ट्रॉबेरीचे सेवन करू शकता. आज आम्ही तुम्हाला वजन कमी करण्यासाठी स्ट्रॉबेरी स्मूदी बनवण्याची सोपी रेसिपी सांगणार आहोत.

वजन वाढल्यानंतर आरोग्यासंबंधित अनेक समस्या उद्भवू लागतात. लठ्ठपणा, मधुमेह, उच्च रक्तदाब इत्यादी समस्या वाढू लागल्यानंतर आरोग्य आणखीनच बिघडण्याची शक्यता असते. त्यामुळे खाण्यापिण्याच्या सवयींवर कंट्रोल ठेवणे आवश्यक आहे. सतत बाहेरच्या तेलकट किंवा तिखट पदार्थांचे सेवन करण्याऐवजी घरी बनवलेल्या पौष्टिक पदार्थांचे सेवन करावे. वाढलेले वजन कमी करण्यासाठी अनेक महिला तासनतास जिम करणे, प्रोटीन शेक, डाईट फॉलो करणे इत्यादी अनेक गोष्टी केल्या जातात. मात्र चुकीच्या पद्धतीने डाईट फॉलो केल्यास आरोग्य बिघडण्याची शक्यता असते. त्यामुळे दैनंदिन आहारात स्मूदीचे सेवन करावे. स्मूदी प्यायल्यामुळे पोट दीर्घकाळ भरलेले राहते आणि आरोग्याला अनेक फायदे होतात.(फोटो सौजन्य-istock)

नवनवीन रेसिपीसाठी इथे क्लिक करा

थंडीच्या दिवसांमध्ये बाजारात स्ट्रॉबेरी उपलब्ध असतात. स्ट्रॉबेरीचे सेवन केल्यामुळे आरोग्याला अनेक फायदे होतात. विटामिन सी युक्त स्ट्रॉबेरीचे सेवन केल्यामुळे त्वचेला अनेक फायदे होतात. दैनंदिन आहारात जंक फूडचे सेवन करण्याऐवजी स्मूदी किंवा इतर पौष्टिक पदार्थांचे सेवन करावे. ज्यामुळे आरोग्याला अनेक फायदे होतील. आज आम्ही तुम्हाला स्ट्रॉबेरी स्मूदी बनवण्याची सोपी रेसिपी सांगणार आहोत. यामुळे तुमचं वाढलेलं वजन कमी होण्यास मदत होईल.

साहित्य:

• स्ट्रॉबेरी
• दही
• दूध
• चिया सीड्स
• मध
• बदाम

नवनवीन रेसिपीसाठी इथे क्लिक करा

कृती:

• स्ट्रॉबेरी स्मूदी बनवण्यासाठी सर्वप्रथम, स्ट्रॉबेरी स्वच्छ धुवून बारीक कापून घ्या.
• त्यानंतर मिक्सरच्या भांड्यात बारीक कापून घेतलेली स्ट्रॉबेरी, दही, दूध, भिजवलेले बदाम टाकून व्यवस्थित मिक्स करून घ्या.
• त्यानंतर त्यात २ चमचे मध घालून पुन्हा एकदा फिरवून घ्या.
• काचेच्या ग्लासात थोडस मध आणि भिजवून घेतलेले चिया सीड्स टाकून वापरून तयार केलेली स्ट्रॉबेरी स्मूदी ओतून सर्व्ह करा.
• वाढलेले वजन कमी करण्यासाठी स्ट्रॉबेरी स्मूदी अतिशय उत्तम आहे. यामुळे तुमचे पोट दीर्घकाळ भरलेले राहील.