संध्याकाळच्या जेवणात चमचमीत भाजी हवी आहे! मग बनवून पहा भरलेली शिमला मिरची

रोजच्या जेवणात घरी प्रामुख्याने कडधान्य आणि भाज्या बनवल्या जातात. सतत कडधान्य आणि त्याच त्याच भाज्या खाऊन कंटाळा आल्यानंतर नवीन पदार्थ खाण्याची इच्छा निर्माण होते. अशावेळी तुम्ही दुपारच्या किंवा रात्रीच्या जेवणात भरलेली शिमला मिरची बनवू शकता.तुम्ही बनवलेली भाजी घरातील सगळ्यांना नक्की आवडेल. लहान मुलांपासून मोठ्यांपर्यंत सगळेच तुम्ही बनवलेल्या भाजीचे कौतुक करतील. चला तर जाणून घेऊया भरलेली शिमला मिरची बनवण्याची सोपी रेसिपी.

रोजच्या आहारात भात, डाळ, भाजी, चपाती इत्यादी पदार्थ नियमित बनवले जातात. या पदार्थांपैकी एकही पदार्थ जर जेवणात नसेल तर जेवण जेवल्यासारखे वाटत नाही. रोजच्या जेवणात घरी प्रामुख्याने कडधान्य आणि भाज्या बनवल्या जातात. सतत कडधान्य आणि त्याच त्याच भाज्या खाऊन कंटाळा आल्यानंतर नवीन पदार्थ खाण्याची इच्छा निर्माण होते. अशावेळी तुम्ही दुपारच्या किंवा रात्रीच्या जेवणात भरलेली शिमला मिरची बनवू शकता. शिमला मिरची आरोग्यसाठी पौष्टिक असून शिमला मिरचीचे सेवन केल्यामुळे आरोग्याला अनेक फायदे होतात. शिमला मिरचीमध्ये विटामिन सी असते, ज्यामुळे त्वचा आणि आरोग्य सुधारण्यास मदत होते. चला तर जाणून घेऊया भरलेली शिमला मिरची बनवण्याची सोपी रेसिपी.(फोटो सौजन्य-istock)

साहित्य:

• छोट्या आकाराच्या शिमला मिरची
• लाल तिखट
• हळद
• मीठ
• कोथींबीर
• टोमॅटो
• कांदा खोबऱ्याचे वाटप
• तेल
• गरम मसाला
• गूळ
• हिंग
• आलं लसूण पेस्ट
• लसूण पाकळ्या

हे देखील वाचा: लोहयुक्त डाळिंबापासून सोप्या पद्धतीमध्ये बनवा डाळिंब मोहितो, वाचा सोपी रेसिपी

कृती:

• भरलेली शिमला मिरची बनवण्यासाठी सर्वप्रथम शिमला मिरची स्वच्छ धुवून त्यांचे वरील देठ काढून मिरचीच्या आतमध्ये असलेल्या बिया काढून घ्या.
• वाटीमध्ये कांदा खोबऱ्याचे वाटप घेऊन त्यात आलं लसूण पेस्ट आणि कोथिंबीर टाकून मिक्स करा.
• नंतर त्यात लाल तिखट, हळद, बारीक चिरून घेतलेला टोमॅटो, गरम मसाला, चवीनुसार मीठ, गूळ आणि चिमूटभर हिंग टाकून मिक्स करा.
• तयार केलेले मिश्रण मिरच्यांमध्ये भरून घ्या. कढईमध्ये तेल गरम करण्यासाठी ठेवा.
• तेल गरम झाल्यानंतर त्यात चिमूटभर हिंग आणि बारीक केलेला लसूण टाकून फोडणी व्यवस्थित भाजून घ्या.
• नंतर त्यात शिमला मिरची टाकून वाफेवर शिजवा. मिरची आणि मसाला व्यवस्थित शिजल्यानंतर गॅस बंद करून सर्व्ह करा.
• तयार आहे चमचमीत भरलेली शिमला मिरची.