आषाढी एकादशी स्पेशल! उपवासाच्या दिवशी झटपट बनवा चविष्ट राजगिऱ्याची खीर, नोट करून घ्या रेसिपी

उपवासाच्या दिवशी नेहमीच साबुदाणे खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये झटपट राजगिऱ्याची खीर बनवू शकता.

संपूर्ण देशभरात आषाढी एकादशी साजरा केली जाते. यादिवशी संपूर्ण महाराष्ट्रात मोठा उत्साह आणि आनंद असतो. विठ्ठलाची मनोभावे पूजा केली जाते. तसेच अनेक घरांमध्ये एकादशीच्या दिवशी उपवास केला जातो. उपवासाच्या दिवशी साबुदाणा खिचडी, वरीचा भात किंवा साबुदाणा वडा बनवून खाल्ला जातो. मात्र रिकाम्या पोटी साबुदाणे खाल्यास ऍसिडिटी किंवा पित्ताची समस्या उद्भवू शकते. साबुदाणे पचायला अतिशय जड असतात. त्यामुळे उपवासाच्या दिवशी नेहमीच पचनास हलके असलेले पदार्थ खावेत. म्हणूनच आज आम्ही तुम्हाला उपवासाच्या दिवशी राजगिऱ्याची खीर बनवण्याची सोपी रेसिपी सांगणार आहोत. हा पदार्थ बनवण्यासाठी खूप कमी साहित्य लागते. याशिवाय राजगिरा खाणे आरोग्यासाठी अतिशय गुणकारी आहे. राजगिरा खाल्ल्यामुळे रक्तात वाढलेले साखरेचे प्रमाण नियंत्रणात राहते. चला तर जाणून घेऊया राजगिऱ्याची खीर बनवण्याची सोपी रेसिपी.(फोटो सौजन्य – pinterest)

पिकलेली खायला आवडत नाहीत? मग सोप्या पद्धतीमध्ये साखरेचा वापर न करता बनवा चविष्ट हाय प्रोटीन वडी

साहित्य:

• राजगिरा
• तूप
• दूध
• साखर
• वेलची पावडर
• ड्रायफ्रूट
• केशर
• पाणी

सकाळच्या नाश्त्यासाठी बनवा प्रथिनेयुक्त काळ्या चण्यांचे कटलेट; लगेच नोट करा रेसिपी

कृती:

• राजगिऱ्याची खीर बनवण्यासाठी सर्वप्रथम, कढईमध्ये दूध गरम करण्यासाठी ठेवा. दुधात अजिबात पाणी टाकू नये.
• कुकरमध्ये तूप गरम करून त्यात स्वच्छ धुवून घेतलेला राजगिरा टाकून भाजून घ्या. राजगिरा भाजताना मंद आचेवर ठेवा.
• त्यानंतर त्यात एक किंवा दोन ग्लास पाणी घालून कुकरचे झाकण बंद करा. राजगिरा शिजण्यासाठी कुकरच्या ४ शिट्ट्या काढा.
• कुकर थंड झाल्यानंतर शिजलेल्या राजगिऱ्यामध्ये उकळी आलेलं दूध टाकून शिजवून घ्या.
• त्यानंतर वरून ड्रायफ्रुट्स , वेलची पूड आणि केशर घालून खीर व्यवस्थित शिजवून घ्या.
• तयार आहे सोप्या पद्धतीमध्ये बनवलेली राजगिऱ्याची पौष्टिक आणि चवदार खीर.