लहान मुलांच्या आवडीची… घरी बनवा मार्केट स्टाईल आंबट-गोड चवीची ‘चिंचेची कँडी’, रेसिपी आहे फार सोपी

Tamrind Candy Recipe : चिंचेची आंबट-गोड कॅंडी लहानांपासून मोठ्यांपर्यंत सर्वांनाच खायला फार आवडते. ही कँडी तुम्ही घरीदेखील अगदी सहज आणि झटपट तयार करु शकता. चला याची रेसिपी जाणून घेऊया.

• आंबट गोड चिंच तर आपण लहानपणापासून खात आलो आहोत.
• बाजारात चिंचेची कँडी देखील मिळते जी चवीला फार छान लागते.
• तुम्हाला माहिती आहे का? ही कँडी तुम्ही घरीच तयार करु शकता.

चिंचेच्या खट्टी-गोड कँडीचे नाव ऐकताच अनेकांच्या बालपणाच्या आठवणी ताज्या होतात. तिचा खास आंबट-गोड स्वाद लहान मुलांपासून मोठ्यांपर्यंत सगळ्यांनाच खूप आवडतो. बाजारात मिळणाऱ्या चिंचेच्या कँडीत मात्र अनेकदा जास्त साखर, कृत्रिम रंग आणि प्रिझर्वेटिव्ह्ज वापरलेले असतात, जे आरोग्यासाठी फारसे चांगले नसतात.

Summer Special : सीजनच्या कैऱ्या आल्या बाजारात, वेळ कसली पाहता आजच घरी बनवा आंबट-गोड चवीचा ‘मुरांबा’

म्हणूनच ही कँडी घरच्या घरी बनवणे हा उत्तम पर्याय ठरू शकतो. घरगुती कँडीमध्ये तुम्ही साखरेऐवजी गूळ किंवा खजूर वापरू शकता, त्यामुळे ती अधिक हेल्दी बनते. शिवाय त्यात आपल्या आवडीनुसार मसाले घालून चव अजून वाढवता येते. मुलांच्या टिफिनसाठी किंवा हलक्या स्नॅकसाठी ही आंबट-गोड चिंचेची कँडी एकदम परफेक्ट आहे. चला तर मग जाणून घेऊया ही चिंचेची कँडी बनवण्याची सोपी रेसिपी.

साहित्य

•  1 कप चिंचेचा गर
• ½ कप गुळाची पावडर किंवा खजुराची पेस्ट
• ½ टीस्पून काळं मीठ
• ½ टीस्पून भाजलेली जिरेपूड
• ¼ टीस्पून लाल तिखट पावडर (ऑप्शनल)

केरळचा पारंपरिक पदार्थ: फास्ट फूड खाण्याऐवजी आहारात करा पंकांजीचे सेवन, उन्हाळ्यात शरीराला होतील फायदे

कृती

• सर्वप्रथम चिंचेचा गर एका पॅनमध्ये घ्या आणि मंद आचेवर थोडा गरम करून मऊ करा.
• यानंतर त्यात गुळाची पावडर किंवा खजुराची पेस्ट घालून नीट मिसळा.
• आता काळं मीठ, भाजलेली जिरेपूड आणि लाल तिखट पावडर घालून मिश्रण घट्ट होईपर्यंत शिजवा.
• मिश्रण थोडं थंड झाल्यावर त्याचे छोटे-छोटे गोळे किंवा कँडीच्या आकारात बनवा.
• हे गोळे काही वेळ फ्रिजमध्ये ठेवा, जेणेकरून कँडी व्यवस्थित सेट होईल.
• आता तुमची आंबट-गोड चिंचेची कँडी तयार आहे.
• ही कँडी मुलांच्या टिफिनमध्ये किंवा स्नॅक म्हणून सर्व्ह करू शकता.
• ऑफीस टाईमध्ये काही चटपटीत खाण्याची इच्छा झाल्यावर तुम्ही ही कँडी खाऊ शकता.