नागपंचमीनिमित्त सोप्या पद्धतीमध्ये घरी बनवा पारंपरिक तिळाच्या करंज्या, नोट करून घ्या पदार्थ

नागपंचमीच्या दिवशी गव्हाची खीर, खीर पुरी, पुरणाचे दिंडे, पातोळ्या इत्यादी अनेक पारंपरिक पदार्थ बनवले जातात. आज आम्ही तुम्हाला तिळाच्या करंज्या बनवण्याची सोपी रेसिपी सांगणार आहोत. हा पदार्थ सगळ्यांचं खूप जास्त आवडेल.

संपूर्ण देशभरात २९ जुलैला नागपंचमी सण साजरा केला जाणार आहे. नागपंचमीच्या दिवशी सगळीकडे नागाची पूजा करून गोड पदार्थांचा नैवेद्य बनवला जातो. याशिवाय पारंपरिक पदार्थ बनवून नागाला अर्पण केले जातात. श्रावण महिन्यात सगळ्यात पहिला सण म्हणजे नागपंचमी.अनेक गावांमध्ये नागाच्या वारुळाची पूजा केली जाते. नागपंचमीच्या नैवेद्यासाठी नेमकं काय बनवावं? हा प्रश्न सर्वच महिलांना पडतो. त्यामुळे घरात तुम्ही तिळाच्या करंज्या बनवू शकता. तीळ खाणे आरोग्यासाठी सुद्धा अतिशय गुणकारी आहे. पावसाळ्याच्या दिवसांमध्ये शरीरात उष्णता टिकवून ठेवण्यासाठी तिळाचे सेवन केले जाते. याशिवाय तिळामध्ये असलेले घटक आरोग्य सुधारण्यासाठी मदत करतात. तीळ आणि गुळाचे गोड सारण तयार करून बनवलेल्या करंज्या चवीला अतिशय सुंदर लागतात. जाणून घ्या तिळाच्या करंज्या बनवण्याची सोपी रेसिपी.(फोटो सौजन्य – istock)

Raksha Bandhan 2025 : लाडक्या भावासाठी घरी बनवा सोपा आणि झटपट तयार होणारा गव्हाच्या पिठाचा शिरा

साहित्य:

• पांढरे तीळ
• गूळ
• मैदा
• रवा
• वेलची पावडर
• सुका मेवा
• तूप
• सुक खोबर
• जायफळ पावडर

श्रावणातील पहिल्या सोमवारी नैवेद्यासाठी झटपट बनवा फणसाचा शिरा, नोट करून घ्या पारंपरिक रेसिपी

कृती:

• तिळाच्या करंज्या बनवण्यासाठी सर्वप्रथम, मोठ्या भांड्यात मैदा, मीठ, साजूक तूपआणि दूध घालून पीठ मळून घ्या. आवश्यकतेनुसार थोडं थोडं दूध घालून पीठ व्यवस्थित मळून घ्या.
• कढईमध्ये पांढरे तीळ टाकून खमंग भाजून घ्या. खोबऱ्याचा किस, लवंग,चारोळ्या, काजूचे तुकडे टाकून व्यवस्थित भाजा.
• मिश्रण थंड झाल्यानंतर मिक्सरच्या भांड्यात ओतून त्यात किसलेला गूळ, वेलची पूड, जायफळ घालून बारीक वाटून घ्या. तयार केलेले सारण वाटीमध्ये काढून घ्या.
• करंजीच्या पिठाचे छोटे छोटे गोळे करून गोलाकार पुरी लाटून नंतर त्यात तयार केलेले सारण भरून करंजीच्या आकारात कापा.
• कढईमधील गरम तेलात करंजी लाल होईपर्यंत व्यवस्थित तळून घ्या. तयार आहे सोप्या पद्धतीमध्ये बनवलेली तिळाची करंजी.