घाईगडबडीमध्ये सकाळच्या नाश्त्यासाठी सोप्या पद्धतीमध्ये बनवा टोमॅटोचे थालीपीठ, वाचा सोपी रेसिपी

रोज रोज नाश्त्यामध्ये पोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही नाश्त्यात टोमॅटो थालीपीठ बनवू शकता. जाणून घेऊया रेसिपी.

सकाळच्या नाश्त्यात गरमा गरम पदार्थ खायला सगळ्यांचं खूप आवडतात. पोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही टोमॅटो थालीपीठ बनवू शकता. थालीपीठ बनवण्यासाठी खूप सोपे आहे. कमीत कमी वेळात घाईगडबडीमध्ये तुम्ही थालीपीठ बनवू शकता. रोज रोज तेच तेच पदार्थ खाऊन कंटाळा आल्यानंतर तुम्ही टोमॅटो थालीपीठ बनवू शकता. सकाळच्या वेळी पौष्टिक आणि आरोग्यदायी नाश्ता केल्यास पोट दीर्घकाळ भरलेले राहते. शिवाय आरोग्याला अनेक फायदे होतात. नाश्ता केल्यामुळे संपूर्ण दिवस सकारात्मक आणि ऊर्जेने भरलेला जातो. चला तर जाणून घेऊया टोमॅटो थालीपीठ बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• टोमॅटो
• भाजणीचे पीठ
• मीठ
• तेल
• लाल तिखट
• हळद
• गरम मसाला
• कोथिंबीर
• हिरवी मिरची
• ज्वारीचे पीठ

नवनवीन रेसिपीसाठी इथे क्लिक करा

कृती:

• टोमॅटो थालीपीठ बनवण्यासाठी सर्वप्रथम, टोमॅटो स्वच्छ धुवून बारीक चिरून घ्या.
• ताटात भाजणीचे पीठ घेऊन त्यात ज्वारीचे पीठ मिक्स करून नंतर चवीनुसार मीठ टाका.
• त्यानंतर त्यात बारीक चिरून घेतलेला टोमॅटो, लाल तिखट, बारीक चिरून घेतलेली हिरवी मिरची टाकून व्यवस्थित मिक्स करून घ्या.
• त्यानंतर त्यात गरम मसाला, हळद आणि कोथिंबीर टाकून मिक्स करा. आवश्यकतेनुसार पाणी टाकून थालीपीठचे पीठ व्यवस्थित मळून घ्या.
• ओल्या रुमालावर तयार केलेल्या पिठाचा छोटा गोळा घेऊन थालीपीठ बनवून तव्यावर भाजण्यासाठी टाका.
• दोन्ही बाजूने भाजून झाल्यानंतर खाण्यासाठी सर्व्ह करा.
• तयार आहे सोप्या पद्धतीमध्ये बनवलेले टोमॅटो थालीपीठ. हे थालीपीठ तुम्ही दहीसोबत खाऊ शकता.