हिवाळ्यामध्ये कमी झालेली रोगप्रतिकारशक्ती सुधारण्यासाठी घरी बनवा पौष्टिक उडीद डाळीचे लाडू

थंडीच्या दिवसांमध्ये घरात वेगवेगळ्या प्रकारचे लाडू बनवले जातात. घरातील लहान मुलांपासून ते मोठ्यांपर्यंत सगळ्यांचं लाडू हा पदार्थ खूप आवडतो. त्यामुळे आज आम्ही तुम्हाला उडीद डाळीचा लाडू बनवण्याची सोपी रेसिपी सांगणार आहोत.

हिवाळ्यात साथीच्या आजारांमध्ये वाढ झाल्यानंतर आरोग्यासंबंधित अनेक समस्या उद्भवण्यास सुरुवात होते.साथीचे आजार वाढू लागल्यानंतर ताप, सर्दी खोकला इत्यादी समस्या उद्भवतात. या लक्षणांकडे योग्य वेळी लक्ष दिले नाहीतर डेंग्यू, मलेरियासारखे गंभीर आजार होण्याची शक्यता असते. आरोग्य बिघडल्यानंतर हळूहळू शरीराची रोगप्रतिकारशक्ती कमकुवत होत जाते. रोगप्रतिकारशक्ती कमकुवत झाल्यानंतर सतत चक्कर येणे, अशक्तपणा वाटणे इत्यादी अनेक लक्षणे दिसू लागतात.शरीराची कमी झालेली ऊर्जा वाढवण्यासाठी थंडीमध्ये वेगवेगळ्या प्रकारचे लाडू बनवले जातात. त्यामध्ये मेथीचा लाडू, डिंकाचा लाडू, मुगाच्या डाळीचा लाडू इत्यादी प्रकारचे लाडू बनवले जातात. पण आज आम्ही तुम्हाला उडीद डाळीचा लाडू बनवण्याची सोपी कृती सांगणार आहोत. हा लाडू आरोग्यासाठी अतिशय पौष्टिक आहे. चला तर जाणून घेऊया उडीद डाळीचा लाडू बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे किल्क करा

साहित्य:

• उडीद डाळ
• सुकं खोबर
• काजू बदाम
• खारीक
• मेथी दाणे
• डिंक
• गूळ
• तूप

नवनवीन रेसिपीसाठी इथे किल्क करा

कृती:

• उडीद डाळीचे लाडू बनवण्यासाठी सर्वप्रथम, कढईमध्ये तूप गरम करण्यासाठी ठेवा. गरम तुपात उडीद डाळ भाजून घ्या.
• त्यानंतर त्याच कढईमध्ये बारीक करून घेतलेले खारीक, खोबरं, मेथी दाणे मंद आचेवर भाजून घ्या. भाजून झाल्यानंतर सर्व साहित्य मिक्समधून बारीक वाटून घ्या.
• काजू, बदाम आणि बेदाणे बारीक करून घ्या. त्यानंतर सर्व साहित्य मिक्सरमधून बारीक वाटा.
• तयार केलेल्या उडीद डाळीच्या पिठामध्ये मिक्समधून बारीक वाटून घेतलेले सर्व साहित्य मिक्स करून त्यात भाजून घेतलेले डिंक टाका.
• सगळ्यात शेवटी तयार मिश्रणात तूप टाकून मिक्स करून झाल्यानंतर तुम्हाला हवे त्या आकाराचे लाडू बनवून घ्या.
• तयार आहे सोप्या पद्धतीमध्ये बनवलेले उडीद डाळीचे पौष्टिक लाडू.