फरसबीची भाजी आवडत नसेल तर सोप्या पद्धतीमध्ये बनवा चटकदार चटणी, चवीसोबत आरोग्यासाठी सुद्धा ठरेल पौष्टिक

लहान मुलांना भाज्या खायला आवडत नाही. अशावेळी तुम्ही सोप्या पद्धतीमध्ये फरसबीची चटणी बनवू शकता. हा पदार्थ भात, चपाती इतर सर्वच पदार्थांसोबत खाऊ शकता.

लहान मुलांसह मोठे सुद्धा कायमच भाज्या खाण्यास नकार देतात. हिरव्या पालेभाज्या किंवा इतर फळ भाज्या पाहिल्यानंतर मुलं नाक मुरडतात, पण आहारात भाज्यांचा समावेश करणे गरजेचे आहे. दैनंदिन आहारात गाजर, पालक, बीट, भोपळा, मेथी, कारलं इत्यादी भाज्यांचे सेवन केल्यास शरीराला अनेक फायदे होतील. पुलाव किंवा मिक्स भाजी बनवताना फरसबीच्या भाजीचा वापर केला जातो. ही भाजी चवीला अतिशय पांचट लागते, असे अनेकांना वाटत. पण फरसबी खाणे आरोग्यासाठी अतिशय गुणकारी आहे.फरसबीमध्ये फायबर, जीवनसत्त्व आणि खनिजे इत्यादी अनेक घटक आढळून येतात. याआधी तुम्ही शेंगदाण्याची चटणी, खोबऱ्याची चटणी किंवा लसूण चटणी खाल्ली असेल. पण आज आम्ही तुम्हाला सोप्या पद्धतीमध्ये फरसबीची चटणी बनवण्याची सोपी रेसिपी सांगणार आहोत. कमीत कमी साहित्यामध्ये अगदी घाईच्या वेळी तुम्ही फारसबीची चटणी बनवू शकता. फरसबीची चटणी गरमागरम भाकरी आणि चटणीसोबत अतिशय सुंदर लागते. जाणून घ्या फरसबीची चटणी बनवण्याची सोपी रेसिपी.(फोटो सौजन्य: Pinterest)

तेच तेच बोरिंग पदार्थ खाणं सोडा, नवरात्रीच्या उपवासात घरी बनवा साबुदाण्याची लुसलुशीत पुरी

साहित्य:

• फरसबी
• मीठ
• हिरवी मिरची
• लसूण
• आमचूर पावडर
• तेल

दसऱ्यानिमित्त घरी आलेल्या पाहुण्यांसाठी झटपट बनवा चवदार सफरचंदाची खीर, नोट करून घ्या रेसिपी

कृती:

• फरसबीची चटणी बनवण्यासाठी सर्वप्रथम, फरसबी साफ करून त्यांचे देठ काढून पाण्याने स्वच्छ धुवून घ्या. त्यानंतर त्याचे तुकडे करा.
• पॅनमध्ये तेल गरम करून त्यात लसूण पाकळ्या, फरसबी आणि हिरव्या मिरच्या टाकून हलक्याशा भाजून घ्या.
• मिक्सरच्या भांड्यात थंड झालेल्या भाज्या, मीठ आणि आमचूर पावडर टाकून बारीक पेस्ट तयार करा. तयार केलेल्या चटणीमध्ये आवश्यकता वाटल्यास पाणी टाकून पुन्हा एकदा बारीक वाटून घ्या.
• तयार आहे सोप्या पद्धतीमध्ये बनवलेली फरसबी. ही चटणी लहान मुलांपासून अगदी मोठ्यांपर्यंत सगळ्यांचं खूप जास्त आवडेल.