शरीरात वाढलेला थकवा- अशक्तपणा कमी करण्यासाठी ५ मिनिटांमध्ये बनवा गूळ फुटण्याचे लाडू, हाडे राहतील मजबूत

शरीराची ऊर्जा वाढवण्यासाठी गूळ चण्यांचे लाडूचे सेवन करावे. या लाडूमध्ये असलेले गुणकारी घटक शरीराला ऊर्जा देतात. जाणून घ्या गूळ चण्याचे लाडू बनवण्याची कृती.

वय वाढल्यानंतर महिलांसह पुरुषांना सुद्धा पोषण आहाराची आणि विश्रांतीची आवश्यकता असते. कारण या दिवसांमध्ये शरीरात अनेक बदल होतात. शरीरात कायमच थकवा, अशक्तपणा, हाडांमध्ये वेदना, मानसिक तणाव, मासिक पाळीच्या वेदना, हार्मोन्सचे असंतुलन इत्यादी अनेक गोष्टींचा परिणाम आरोग्यावर झाल्यानंतर शरीराला हानी पोहचते. त्यामुळे आहारात कायमच हेल्दी आणि पौष्टिक पदार्थांचे सेवन करावे. गूळ, तूप आणि चणे खाण्याचा सल्ला कायमच दिला जातो. गूळ खाल्यामुळे शरीरात उष्णता वाढते आणि चणे खाल्यामुळे शरीराची कमकुवत झालेली रोगप्रतिकारशक्ती सुधारण्यास मदत होते. मासिक पाळीच्या त्रासापासून सुटका मिळवण्यासाठी गूळ आणि चणे खावेत. म्हणूनच आज आम्ही तुम्हाला सोप्या पद्धतीमध्ये गूळ चण्यांचे लाडू बनवण्याची सोपी रेसिपी सांगणार आहोत. हे लाडू अतिशय कमी वेळात आणि कमी साहित्यामध्ये बनतात.(फोटो सौजन्य: Pinterest)

दसऱ्यानिमित्त घरी बनवा चमचमीत शाही व्हेज पुलाव! मऊ आणि मोकळा भात शिजण्यासाठी फॉलो करा ‘या’ सोप्या टिप्स

साहित्य:

• गूळ
• तूप
• वेलची पावडर
• चणे

तोंडाची चव वाढवण्यासाठी १० मिनिटांमध्ये झटपट बनवा हिरव्या मिरच्यांची झणझणीत चटणी! नोट करून घ्या रेसिपी

कृती:

• गूळ चण्याचे लाडू बनवण्यासाठी सर्वप्रथम, कढईमध्ये तूप गरम करून घ्या. गरम तुपात गूळ घालून चमच्याने सतत ढवळत राहा. यामुळे गूळ काढायला चिटकणार नाही.
• गूळ पूर्णपणे तुपात मिक्स झाल्यानंतर त्यात वेलची पावडर टाकून मिक्स करून घ्या.
• त्यानंतर त्यात सोलून घेतलेले चणे टाकून व्यवस्थित मिक्स करा. चणे गुळामध्ये व्यवस्थित मिक्स झाल्यानंतर वरून पुन्हा एकदा चमचाभर तूप टाकून गॅस बंद करा.
• हातांना तूप लावून तुम्हाला हवे त्या आकाराचे लाडू बनवून काहीवेळ पंख्याखाली ठेवून द्या.
• तयार आहेत सोप्या पद्धतीमध्ये बनवलेले गूळ चण्यांचे लाडू.