घाईगडबडीच्या वेळी सकाळच्या नाश्त्यासाठी झटपट बनवा उत्तपम, आरोग्यासाठी ठरेल पौष्टिक पदार्थ

सकाळच्या नाश्त्यात प्रत्येकालाच काहींना काही नवीन पदार्थ खाण्यास हवा असतो. अशावेळी तुम्ही सोप्या पद्धतीमध्ये उत्त्पम बनवू शकता. हा पदार्थ हिरव्या चटणीसोबत किंवा खोबऱ्याच्या चटणीसोबत सुंदर लागतो.

सकाळी उठल्यानंतर प्रत्येकाची घाई असते. लहान मुलांपासून अगदी मोठ्यांपर्यंत सगळ्यांचं सकाळच्या नाश्त्यात अतिशय चविष्ट पदार्थ लागतात. नेहमीच कांदापोहे, उपमा, शिरा किंवा डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. म्हणूनच आज आम्ही तुम्हाला उत्त्पम बनवण्याची सोपी रेसिपी सांगणार आहोत. लहान मुलांना भाज्या खायला आवडत नाही. अशावेळी तुम्ही मुलांना भाज्यांपासून बनवलेले वेगवेगळे पदार्थ खाण्यास देऊ शकता. दक्षिण भारतात सकाळच्या नाश्त्यापासून ते अगदी रात्रीच्या जेवणापर्यंत प्रत्येक पदार्थ बनवताना तांदळाचा वापर केला जातो. याशिवाय तिथे डोसा, इडली हे पदार्थ नाश्त्यात कायमच खाल्ले जातात. वेगवेगळ्या भाज्यांचा वापर करून बनवलेला चविष्ट पदार्थ सगळ्यांचं खूप जास्त आवडेल. चला तर जाणून घेऊया उत्त्पम बनवण्याची सोपी रेसिपी.(फोटो सौजन्य – istock)

सकाळच्या नाश्ता होईल आणखीनच मजेदार! १० मिनिटांमध्ये झटपट बनवा दही कबाब, नोट करा रेसिपी

साहित्य:

• डोसा बॅटर
• कांदा टोमॅटो
• हिरवी मिरची
• लाल तिखट
• मीठ
• कोथिंबीर
• मोहरी
• कढीपत्ता
• तेल

पावसाळ्यात मसालेदार आणि कुरकुरीत पदार्थ खाण्याची इच्छा झाल्यास सोप्या पद्धतीमध्ये बनवा Spring Roll, नोट करा रेसिपी

कृती:

• उत्तपम बनवण्यासाठी सर्वप्रथम, सर्व भाज्या स्वच्छ धुवून बारीक चिरून घ्या. भाज्या चिरून झाल्यानंतर एकत्र करून मिक्स करा.
• नॉनस्टीक पॅनवर तेल टाकून सारंगळीकडे व्यवस्थित पसरवून घ्या. त्यानंतर त्यावर डोसाचे गोलाकार मिश्रण टाकून पसरवून घ्या.
• तयार केलेल्या डोसावर बारीक चिरून घेतलेल्या भाज्या घालून सगळीकडे पसरवून घ्या. त्यानंतर त्यावर लाल तिखट, चवीनुसार मीठ आणि बारीक चिरलेली कोथिंबीर घाला.
• तयार केलेला उत्त्तम फिरवून हलकासा दाबून घ्या. यामुळे भाज्या खाली पडणार नाहीत. दोन्ही बाजूने उत्त्पम व्यवस्थित शिजल्यानंतर तयार केलेली मोहरीची फोडणी ओतून उत्तपम खाण्यासाठी सर्व्ह करा.
• तयार आहे सोप्या पद्धतीमध्ये बनवलेला उत्त्पम.