उपवासाच्या दिवशी कधीच होणार नाही पित्त! सोप्या पद्धतीमध्ये घरी बनवा उपवासाचा पुलाव, नोट करा रेसिपी

उपवासाच्या दिवशी नेहमीच साबुदाणे खाऊन कंटाळा आल्यानंतर तुम्ही सोप्या पद्धतीमध्ये वरीचा पुलाव बनवू शकता. हा पदार्थ कमीत कमी साहित्यामध्ये झटपट तयार होतो. जाणून घ्या वरीचा पुलाव बनवण्याची रेसिपी.

श्रावण महिन्यात महिलांसह पुरुषसुद्धा उपवास करतात.श्रावण महिन्यात केलेला उपवास आरोग्यासाठी अतिशय गुणकारी आहे. तसेच या महिन्यात येणाऱ्या प्रत्येक सोमवारी महिला भगवान शंकराची मनोभावो पूजा करून करतात. उपवासाच्या दिवशी सर्वच घरांमध्ये साबुदाणा खिचडी, साबुदाणा वडा, बटाट्याची भाजी, शिंगाड्याच्या पुऱ्या इत्यादी अनेक पदार्थ बनवले जातात. मात्र नेहमीच साबुदाणे खाऊन कंटाळा आल्यानंतर काहींना काही टेस्टी खाण्याची सगळ्यांचं इच्छा होते. अशावेळी तुम्ही सोप्या पद्धतीमध्ये उपवासाचा पुलाव बनवू शकता. याआधी तुम्ही मिक्स भाज्यांचा पुलाव, कडधान्याचा पुलाव खाल्ला असेल पण आज आम्ही तुम्हाला भगर पुलाव बनवण्याची सोपी रेसिपी सांगणार आहोत. उपवास केल्यानंतर पचनास हलक्या असलेल्या पदार्थांचे सेवन करावे. अतितेलकट किंवा शेंगदाणे टाकून बनवलेल्या पदार्थांचे सेवन केल्यास पित्त वाढू लागते. नेहमीच मसालेभात बनवताना भाज्यांचा वापर केला जातो. पण आज आम्ही भगर वापरून पुलाव बनवण्याची सोपी रेसिपी सांगणार आहोत. चला तर जाणून घेऊया रेसिपी.(फोटो सौजन्य –pinterest)

सणाच्या दिवशी चर्चा रंगेल फक्त तुमच्या मोदकांची… केमिकल नाही तर नैसर्गिकरीत्या निळ्या रंगाने नटलेले हे मोदक एकदा घरी बनवाच!

साहित्य:

• तूप
• वरीचा तांदूळ
• हिरव्या मिरच्या
• कढीपत्ता
• बटाटा
• शेंगदाणे
• पाणी
• मीठ

विकतची मिठाई आणण्यापेक्षा ब्रेडचा वापर करून झटपट बनवा मऊमऊ-रवाळ कलाकंद, नोट करून घ्या रेसिपी

कृती:

• भगर पुलाव बनवण्यासाठी सर्वप्रथम, वरीचे तांदूळ स्वच्छ साफ करून अर्धा तास पाण्यात भिजत ठेवा आणि नंतर कढईमध्ये टाकून व्यवस्थित भाजून घ्या.
• कढईमध्ये तूप गरम करून त्यात जिरं, शेंगदाणे, हिरवी मिरची आणि कढीपत्ता भाजून घ्या.
• त्यानंतर त्यात साल काढून घेतलेले बटाट्याचे तुकडे टाकून वाफेवर शिजण्यासाठी ठेवा. बटाटा शिजताना त्यात अजिबात पाणी टाकू नये.
• बटाटा व्यवस्थित शिजल्यानंतर त्यात भाजून घेतलेले वरीचे तांदूळ टाकून आवश्यकतेनुसार पाणी घालून शिजवून घ्या.
• सगळ्यात शेवटी पुलाव शिजल्यानंतर गॅस बंद करून दह्यासोबत सर्व्ह करा.
• तयार आहे सोप्या पद्धतीमध्ये बनवलेला उपवासाचा पुलाव. घरातील सगळ्यांचं पुलाव खूप जास्त आवडेल.