पारंपारिकरित्या ते चिकन किंवा मटणपासून तयार केले जातात.
पण तुम्ही भाज्यांपासूनही टेस्टी व्हेज कबाब बनवू शकता.
श्रावण सुरू झाला असून अनेकांनी महिनाभर नॉनव्हेज न खाण्याचा निर्धार केला आहे. अशात याकाळात अनेकजण नवनवीन व्हेज रेसिपीज ट्राय करू पाहतात. तुम्हीही काहीतरी नवीन आणि टेस्टी खाण्याचा विचार करत असाल तर व्हेज कबाब तुमच्यासाठी एक चांगला पर्याय ठरेल. संध्याकाळच्या नाश्त्यासाठी नेहमी पोहे, उपमा किंवा भजी खाण्याचा कंटाळा आला असेल, तर घरच्या घरी चटपटीत व्हेज कबाब नक्की करून पाहा. विविध भाज्या, बटाटा आणि मसाल्यांचा वापर करून तयार केलेले हे कबाब बाहेरून हलके कुरकुरीत आणि आतून मऊ लागतात. विशेष म्हणजे या रेसिपीमध्ये आपल्या आवडीनुसार भाज्यांचे प्रमाण बदलता येते. मुलांच्या टिफिनसाठी, पाहुण्यांसाठी किंवा पार्टी स्नॅक्स म्हणूनही व्हेज कबाब हा उत्तम पर्याय ठरू शकतो.
गाजर, बीन्स, मटार आणि कोबी हलके वाफवून किंवा थोड्या पाण्यात शिजवून घ्या. भाज्या पूर्णपणे मऊ न करता त्यातील अतिरिक्त पाणी निघून जाईल याची काळजी घ्या.
एका मोठ्या भांड्यात उकडलेले बटाटे चांगले कुस्करून घ्या. त्यामध्ये शिजवलेल्या भाज्या, बारीक चिरलेला कांदा, हिरवी मिरची आणि आले-लसूण पेस्ट घाला.
त्यात गरम मसाला, लाल तिखट, जिरेपूड, चाट मसाला, कोथिंबीर आणि मीठ घालून सर्व साहित्य एकत्र मिक्स करा.
मिश्रणामध्ये ब्रेडक्रम्ब्स आणि कॉर्नफ्लोअर घाला. सर्व साहित्य एकजीव करून घट्ट मिश्रण तयार करा. मिश्रण खूप सैल वाटत असल्यास थोडे ब्रेडक्रम्ब्स आणखी घालू शकता.
तयार मिश्रणाचे समान आकाराचे गोळे करून हाताने हलके दाबत गोल किंवा लांबट कबाबचा आकार द्या.
तव्यावर थोडे तेल गरम करून कबाब मध्यम आचेवर ठेवा. दोन्ही बाजूंनी सोनेरी आणि कुरकुरीत होईपर्यंत हलक्या हाताने शॅलो फ्राय करा. कबाब उलटताना तुटणार नाहीत याची काळजी घ्या.
तयार व्हेज कबाब प्लेटमध्ये काढून गरमागरम सर्व्ह करा. सोबत हिरवी चटणी, टोमॅटो सॉस किंवा दही-पुदिन्याची डिप दिल्यास चव आणखी खुलते.
Web Title: How to make veg kabab at home note the marathi recipe
.png "Videos"){kind=small}
