Shravan Somvar : श्रावणी सोमवारासाठी खास, भगवान शंकराला पूजेत अर्पण करण्यासाठी बनवा ‘बेसनाची बर्फी’

Besan Barfi Recipe : मऊ, गोड आणि तोंडात टाकताच विरघळणारी बेसन बर्फी श्रावणी सोमवाराच्या पूजेसाठी एक चांगला पर्याय ठरेल. अहो, विकत कशाला जर तुम्ही घरीच ही रेसिपी अर्ध्या तासात तयार करु शकता. रेसिपी नोट करा.

(फोटो सौजन्य: Pinterest)

Follow Us:

Follow Us:

• श्रावणातील सोमवाराला फार महत्त्व आहे.
• या दिवशी भाविक भगवान शंकराची पूजा करतात.
• पूजेत गोड पदार्थ म्हणून तुम्ही बेसनाची बर्फी तयार करु शकता.

Malpua Recipe : श्रावणी सोमवारी भगवान शिवाला अर्पण करण्यासाठी तयार करा गोड आणि मऊ ‘मालपुआ’

साहित्य

• २ कप बेसन
• १ कप पिठीसाखर
• १/२ कप साजूक तूप
• १/४ कप दूध
• १/२ चमचा वेलची पूड
• २ चमचे काजू-बदामाचे काप
• १ चमचा तूप ताटाला लावण्यासाठी

कृती

• कढईत तूप गरम करून त्यात बेसन घाला. मंद आचेवर सतत ढवळत बेसन भाजा. बेसनाचा कच्चा वास जाऊन छान सुगंध येईपर्यंत ते भाजणे आवश्यक आहे.
• बेसन व्यवस्थित भाजल्यानंतर त्यात दूध थोडे थोडे घालून सतत ढवळा. मिश्रणात गुठळ्या राहणार नाहीत याची काळजी घ्या.
• गॅस मंद ठेवून त्यात पिठीसाखर घाला आणि मिश्रण एकजीव होईपर्यंत ढवळत राहा. मिश्रण घट्ट होऊ लागेल.
• वेलची पूड आणि काजू-बदामाचे काप घालून चांगले मिसळा. मिश्रण कढईच्या कडा सोडू लागले की गॅस बंद करा.
• एका ताटाला किंवा ट्रेला तूप लावून त्यात तयार मिश्रण ओता. चमच्याच्या मदतीने ते समान पातळीत पसरवा.
• वरून काजू-बदामाचे काप पसरून हलक्या हाताने दाबा. बर्फी पूर्णपणे थंड होण्यासाठी काही वेळ ठेवा.
• मिश्रण घट्ट झाल्यावर सुरीने चौकोनी किंवा आपल्या आवडीच्या आकाराचे तुकडे कापा. तयार बेसन बर्फी नैवेद्यासाठी किंवा प्रसादासाठी सर्व्ह करा.

Web Title: Shravan somvar special know how to make besan barfi at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com