नाश्त्यासाठी सोप्या पद्धतीमध्ये गव्हाच्या पिठापासून बनवा चविष्ट कुरकुरीत डोसा, वाचा झटपट होणारी रेसिपी

वाटीभर गव्हाच्या पिठाचा वापर करून तुम्ही सोप्या पद्धतीमध्ये कुरकुरीत डोसा बनवू शकता. कमीत कमी साहित्यामध्ये बनवलेला डोसा चवीला अतिशय सुंदर लागतो. जाणून घ्या कुरकुरीत डोसा बनवण्याची सोपी रेसिपी.

सकाळच्या नाश्त्यात नेहमीच सगळ्यांना झटपट आणि कमीत कमी साहित्यामध्ये तयार होणारे पदार्थ हवे असतात. कांदापोहे, उपमा, शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही गव्हाच्या पिठाचा वापर करून कुरकुरीत डोसे बनवू शकता. लहान मुलांपासून ते अगदी मोठ्यांपर्यंत सगळ्यांचं डोसे खायला खूप आवडतात. हिरव्या चटणीसोबत किंवा चहासोबत तुम्ही डोसा खाऊ शकता. डोसा खाल्यानंतर पोटही भरते आणि लवकर भूक लागत नाही. सुप्रसिद्ध मास्टरशेफ पंकज भदौरिया या त्यांच्या इन्स्टा अकॉउंटवरून सतत काहींना काही रेसिपी शेअर करत असतात. त्यांनी सांगितलेल्या रेसिपी अतिशय कमीत कमी साहित्यामध्ये तयार होणाऱ्या असतात. चला तर जाणून घेऊया गव्हाच्या पिठाचे डोसे बनवण्याची सोपी रेसिपी.(फोटो सौजन्य – iStock)

Weekend Special Recipe: चिकन ठेचा कधी खाल्ला आहे का? झणझणीत रेसिपी होत आहे Viral

साहित्य:

• गव्हाचं पीठ
• मीठ
• तेल
• दही
• साखर
• रवा
• बेकिंग सोडा

१० मिनिटांमध्ये कोकणी पद्धतीत बनवा मऊ आणि लुसलुशीत आंबोळ्या, सकाळचा नाश्ता होईल फसक्लास

कृती:

• गव्हाच्या पिठाचा डोसा बनवण्यासाठी सर्वप्रथम, मिक्सरच्या भांड्यात गव्हाचं पीठ घेऊन त्यात दही, चवीनुसार मीठ आणि साखर, रवा टाकून बारीक पेस्ट तयार करून घ्या.
• मिक्सरमधील सर्व पदार्थ वाटताना त्यात पाणी टाकू नये.
• तयार केलेले मिश्रण मोठ्या वाटीमध्ये काढून त्यात चिमूटभर बेकिंग सोडा आणि आवश्यकतेनुसार पाणी घालून मिक्स करा.
• डोसा बनवण्यासाठी तवा गरम करा. तव्यावर थोडेसे पाणी मारून कपड्याने पुसून घ्या.
• त्यानंतर डोश्याचे मिश्रण टाकून गोलाकार पसरवा. त्यानंतर वरून थोडेसे तेल लावून डोसा दोन्ही बाजून व्यवस्थित कुरकुरीत भाजून घ्या.
• तयार आहे सोप्या पद्धतीमध्ये बनवलेला कुरकुरीत गव्हाच्या पिठाचा डोसा.