१५ मिनिटांमध्ये श्रावण सोमवारच्या नैवैद्यासाठी पारंपरिक पद्धतीने बनवा गव्हाची खीर, नोट करून घ्या रेसिपी

श्रावण महिन्यातील समोवारच्या उपवासाला घरात गोड पदार्थ बनवले जातात. त्यामुळे झटपट तुम्ही पारंपरिक पद्धतीमध्ये गव्हाची खीर बनवू शकता. चला तर जाणून घेऊया रेसिपी.

श्रावण महिन्याला सुरुवात झाल्यानंतर घरात गोडाचे विविध पदार्थ बनवले जातात. उपवासाच्या दिवशी नैवेद्यात काय बनवावं? असा प्रश्न सर्वच महिलांना कायमच पडतो. नेहमीच शेवयांची खीर, तांदळाची खीर किंवा गुलाबजाम खाऊन कंटाळा आल्यानंतर काहींना काही नवीन पदार्थ खाण्याची खूप जास्त इच्छा होते. अशावेळी तुम्ही पारंपरिक पद्धतीमध्ये गव्हाची खीर बनवू शकता. श्रावण महिन्यात येणाऱ्या सणावारांच्या दिवशी विविध गोड पदार्थ बनवले जातात. यामुळे सणाची रंगत आणखीनच वाढते. या पद्धतीने बनवलेली गव्हाची खीर घरातील प्रत्येक व्यक्तीला खूप जास्त आवडेल आणि चव सुद्धा मस्त लागेल. हा पदार्थ केवळ उपवासाच्या दिवशीच नाहीतर इतर वेळी सुद्धा बनवू शकता. गव्हामध्ये खूप जास्त प्रमाणात फायबर असते तर गुळामध्ये आयर्न आढळून येते. उपवासाच्या दिवशी शरीरातील कमी झालेली ऊर्जा वाढवण्यासाठी कायमच तेलकट पदार्थ खाण्याऐवजी पौष्टिक पदार्थांचे सेवन करावे.(फोटो सौजन्य – pinterest)

प्रिझर्व्हेटिव्हयुक्य बाजारातील हानिकारक सॉस खाण्याऐवजी सोप्या पद्धतीमध्ये बनवा चटपटीत टोमॅटो सॉस, नोट करा रेसिपी

साहित्य:

• गहू
• पाणी
• गूळ
• तूप
• सुका मेवा
• खोबऱ्याचे काप
• सुंठ पावडर
• वेलची पावडर
• जायफळ पावडर

डेजर्ट खाण्याची क्रेव्हिंग झाली? मग घरच्या घरी झटपट बनवा थंडगार Fruit Yogurt, नोट करा रेसिपी

कृती:

• गव्हाची खीर बनवण्यासाठी सर्वप्रथम, मोठ्या वाटीमध्ये अर्धा वाटी गहू घेऊन स्वच्छ धुवून घ्या आणि रात्रभर गहू पाण्यात भिजत ठेवा.
• भिजवलेले गहू मिक्सरच्या भांड्यात घेऊन जाडसर वाटून घ्या. गहू जास्त बारीक किंवा पाणी घालून पेस्ट बनवू नये.
• कढईमध्ये चमचाभर तूप गरम करून त्यात सुका मेवा लालसर होईपर्यंत भाजून घ्या. त्यानंतर त्यात सुक्या खोबऱ्याचे काप घालून भाजून घ्या.
• कुकरच्या भांड्यात तूप गरम करून त्यात बारीक वाटून घेतलेला गहू घालून ४ ते ५ शिट्ट्या काढून मऊ करा. त्यानंतर शिजलेल्या गव्हात अर्धा वाटीभर गूळ घालून व्यवस्थित मिक्स करा.
• गूळ पूर्णपणे व्यवस्थित मिक्स करून झाल्यानंतर त्यात सुका मेवा आणि खोबऱ्याचे तुकडे, वेलची, जायफळ पावडर घालून व्यवस्थित मिक्स करा.
• तयार आहे पारंपरिक पद्धतीने बनवलेली पौष्टिक गव्हाची खीर.