Hrithik Roshan च्या बहिणीने अशी केली फॅटी लिव्हरवर मात, चरबी जाळण्यासाठी वापरली ट्रिक

बॉलिवूड अभिनेता हृतिक रोशनची बहीण सुनैनादेखील फॅटी लिव्हरने ग्रस्त होती. तिने तिच्या जीवनशैलीत दोन गोष्टी बदलून फॅटी लिव्हरवर मात केली. सुनैनाने नक्की काय केले जाणून घेऊया

आजकाल भारतात फॅटी लिव्हरची समस्या खूप सामान्य झाली आहे. या आजारापासून मुक्त होण्यासाठी, निरोगी जीवनशैली आणि निरोगी आहार योजना पाळणे आवश्यक आहे. बॉलिवूड अभिनेता हृतिक रोशनची बहीण सुनैना हिलाही फॅटी लिव्हरची समस्या होती. तिने फॅटी लिव्हरच्या या समस्येतून स्वतःला मुक्त केले आहे आणि त्यामुळे तिचे सध्या सगळीकडे कौतुक होतंय. यासाठी तिने नक्की काय केले हे आपण या लेखातून जाणून घेऊया. 

सुनैना इन्स्टाग्रामवर सक्रिय असते आणि नेहमीच आपल्या फिटनेसबाबत पोस्टही शेअऱ करत असते. यावेळीदेखील तिने आपल्या फॅटी लिव्हरच्या समस्येतून मुक्त झाल्याची पोस्ट केली आहे. तिच्याकडून प्रेरणा घेण्यासारख्या अनेक गोष्टी आहेत आणि त्यामुळे आपणही फॅटी लिव्हरसाठी काय करता येईल हे पाहूया. (फोटो सौजन्य – Instagram/iStock) 

काय आहे फॅटी लिव्हर समस्या

फॅटी लिव्हरमुळे यकृतावर चरबी जमा होते. चरबी जमा झाल्यानंतर, लिव्हर योग्यरित्या कार्य करू शकत नाही. लिव्हरवरील चरबी वाढत असताना, लिव्हर खराब होते. याशिवाय फॅटी लिव्हरमुळे लिव्हर कॅन्सरचा धोकादेखील वाढतो. एकदा फॅटी लिव्हरचा आजार सुरू झाला की तुमच्या खाण्यावरदेखील तुम्हाला नियंत्रण ठेवावे लागते. 

अभिनेता हृतिक रोशनच्या बहिणीला २०२४ मध्ये कळले की तिला फॅटी लिव्हरची समस्या आहे. पिझ्झा, बर्गर आणि तेलकट पदार्थ यांसारखे जंक फूड खाल्ल्याने तिला फॅटी लिव्हर झाला. तपासणीनंतर तिला कळले की तिचे फॅटी लिव्हर ग्रेड ३ मध्ये आहे.

Fatty Liver करू नका दुर्लक्षित, Grade 2 स्थिती असल्यास टाळा ‘हे’ पदार्थ; वाढेल त्रास

डाएटमध्ये बदल

अभिनेत्याच्या बहिणीला या आजाराबद्दल कळताच, तिने प्रथम तिच्या आहारावर काम केले. तिने जंक फूड खाणे पूर्णपणे बंद केले. त्याऐवजी, तिने फळे, भाज्या आणि पातळ प्रथिने खाण्यास सुरुवात केली. तिने मसालेदार आणि तेलकट पदार्थ खाणे पूर्णपणे बंद केले. यामुळे तिच्या फॅटी लिव्हरच्या समस्येवर नियंत्रण येणे सोपे झाले. 

व्यायाम केला सुरू

सुनैनाने व्यायाम सुरू केला. व्यायामाच्या मदतीने तिने सुमारे ५० किलो वजन कमी केले. याशिवाय तिने वजन प्रशिक्षणाकडे विशेष लक्ष दिले. फिटनेससोबतच तिने तिच्या मानसिक आरोग्यावरही लक्ष केंद्रित केले. मानसिक आरोग्यासाठी तिने ध्यानधारणा केली, झोपण्याची आणि उठण्याची वेळ सुधारली. तिने सकाळी ६ वाजता उठणे आणि ७.३० वाजता नाश्ता करणे सुरू केले.

फक्त दारूच नाही तर 5 पदार्थांनी सडते लिव्हर, होऊ शकतो Fatty Liver चा त्रास; सकाळी काय खावे?

फॅटी लिव्हरच्या रुग्णांनी या गोष्टींची काळजी घ्यावी

मद्यपानः अति मद्यपान टाळावे. जास्त मद्यपान केल्याने यकृताला सूज येऊ शकते. फॅटी लिव्हरच्या रुग्णांनी अजिबात मद्यपान करू नये.

गोड पदार्थः फॅटी लिव्हरच्या रुग्णांनी कँडी, कुकीज, सोडा, पॅकेज्ड ज्यूस, मिठाई इत्यादी गोड पदार्थांचे सेवन करणे टाळावे. साखरेचे प्रमाण जास्त असल्याने यकृतावर चरबी जमा होते.

तळलेले पदार्थः तळलेले पदार्थ खाल्ल्याने फॅटी लिव्हरची समस्या देखील वाढू शकते. याशिवाय, जास्त मीठ खाल्ल्याने फॅटी लिव्हरचा धोका देखील वाढू शकतो.

सुनैनाने केले शेअर 

See more

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.