एक IVF अयशस्वी झाल्यास पुन्हा द्यावे लागतात पैसे? तज्ज्ञांचे योग्य उत्तर, तुम्हीही करताय का विचार

जर तुम्हाला आयव्हीएफ उपचारांचा खर्च जाणून घ्यायचा असेल, तर हा लेख तुमच्यासाठी खूप उपयुक्त ठरू शकतो. दुसऱ्यांदा IVF उपचारांसाठी पुन्हा पैसे द्यावे लागतील का जाणून घ्या तज्ज्ञांकडून

• IVF चा वाढता उपयोग
• दुसऱ्यांदा केल्यास खर्च येतो की नाही
• IVF पहिल्यांचा झटक्यात परिणाम होतो का

आजकाल अनेक जोडप्यांना नैसर्गिकरित्या गर्भधारणा होण्यात अडचणी येत आहेत. म्हणूनच ते आयव्हीएफसारख्या उपचारांचा पर्याय निवडतात. तथापि, काही प्रकरणांमध्ये, ही उपचारपद्धती पहिल्या प्रयत्नातच यशस्वी होते आणि गर्भधारणा निश्चित होते. परंतु कधीकधी परिस्थिती अशी असते की पहिल्या प्रयत्नात यश मिळत नाही.

अशा परिस्थितीत, जोडप्यांना हे चक्र पुन्हा करावे लागते. अनेक वेळा जोडप्यांच्या मनात हा प्रश्न येतो की त्यांना दुसऱ्यांदा आयव्हीएफसाठी पुन्हा पैसे द्यावे लागतील की नाही. अलीकडेच, जोडप्यांच्या या गोंधळाचे आणि प्रश्नाचे उत्तर स्त्रीरोगतज्ज्ञ डॉ. महिमा यांनी दिले आहे. कारण सर्वात महत्त्वाचा प्रश्न येतो तो म्हणजे पैशांचा आणि खिशाला परवडण्याचा. सध्या IVF उपचार बऱ्यापैकी स्वस्त झाले असले तरीही जर IVF अयशस्वी झाली तर पुढे काय आणि पुन्हा खर्च उचलता येणे शक्य आहे का? असेही प्रश्न आहेत (फोटो सौजन्य – iStock) 

World IVF Day: आयव्हीएफ म्हणजे काय? जाणून घ्या तज्ज्ञांनी सांगितलेली सविस्तर माहिती

तज्ज्ञांनी केले स्पष्ट 

डॉ. महिमा यांना अलीकडेच एका पॉडकास्ट शोमध्ये हा प्रश्न विचारण्यात आला होता की जर आयव्हीएफ (इन विट्रो फर्टिलायझेशन) एकदा अयशस्वी झाला तर दुसऱ्यांदा पुन्हा पैसे द्यावे लागतील की नाही. यावर, तज्ज्ञांनी तपशीलवार स्पष्ट केले की आयव्हीएफ ही एक अतिशय वैयक्तिक उपचारपद्धती आहे आणि प्रत्येक रुग्णाचा अनुभव वेगळा असतो.

तज्ज्ञ पुढे स्पष्ट करतात की प्रत्येक महिलेचे शरीर आणि तिचा हार्मोनल प्रतिसाद सारखा नसतो. काही लोकांचे शरीर जास्त अंडी तयार करते, ज्याला हायपरस्टिम्युलेशन म्हणतात. त्याच वेळी, काही लोकांच्या शरीरात अपेक्षित संख्येने अंडी तयार होत नाहीत. या कारणास्तव, इंजेक्शन आणि उपचारांचा डोस वेगवेगळ्या चक्रांमध्ये बदलावा लागतो, जेणेकरून प्रत्येक रुग्णाला आयव्हीएफ उपचारांचा सर्वोत्तम यश दर मिळू शकेल.

गर्भधारणेची हमी देऊ शकत नाही

तज्ज्ञांनी स्पष्टपणे सांगितले की आयव्हीएफमध्ये तीन किंवा चार चक्रांमध्ये कोणी गर्भवती होईल याची हमी देणे शक्य नाही. हे करणे केवळ एक घोटाळा असू शकतो. म्हणून, प्रत्येकाने हे लक्षात ठेवले पाहिजे. त्यामुळे दुसऱ्यांदा ट्रिटमेंट घ्यायची झाली तरी काही प्रमाणात पैसे नक्कीच भरावे लागतात कारण त्याचा इंजेक्शनचा खर्च हा परवडण्यासारखा नसतो आणि त्यापुरते पैसे हे द्यावेच लागतात. 

World IVF Day: तिशीत केले जाणारे आयव्हीएफ आणि 40 वयातील आयव्हीएफमधील फरक

तज्ज्ञांचा व्हिडिओ

See more

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.