Hotel Safety Hack : एकट्या प्रवासातही भीती नको! हॉटेलमध्ये ‘बॉटल ट्रिक’ ठरेल तुमचा सुरक्षा कवच

Hotel Safety Hack : एकट्याने प्रवास केल्याने एक वेगळ्या प्रकारचे स्वातंत्र्य आणि साहस मिळते. पण त्यात काही आव्हाने आणि सुरक्षिततेच्या चिंता देखील येतात. विशेषतः जेव्हा तुम्ही नवीन हॉटेल रूममध्ये राहता.

Hotel Safety Hack : आजकाल सोलो ट्रॅव्हल हा ट्रेंड फक्त पुरुषांपुरता मर्यादित राहिलेला नाही. अनेक महिला देखील आता धाडसाने एकट्याने प्रवास करत आहेत. एकटं फिरणं म्हणजे स्वातंत्र्य, नवे अनुभव, स्वतःशी संवाद आणि आयुष्यभर लक्षात राहतील अशा आठवणी. मात्र, या स्वातंत्र्यासोबत काही भीती आणि सुरक्षेच्या चिंता आपोआप जोडलेल्या असतात. विशेषतः हॉटेल रूममध्ये प्रवेश केल्यावर.

दरवाजे, खिडक्या, लॉक  हे सर्वजण तपासतात. पण बऱ्याचदा एका महत्त्वाच्या ठिकाणाकडे दुर्लक्ष होतं. ते म्हणजे बेडखालचं रिकामं स्थान. अनेकदा गुन्हेगार किंवा घुसखोर तिथे लपून बसल्याच्या घटना घडल्या आहेत. आणि अशा वेळी “सुरक्षित वाटणारी हॉटेल रूम” सुद्धा असुरक्षित बनते. याच समस्येवर नुकतीच एका फ्लाइट अटेंडंटने अतिशय सोपी आणि उपयुक्त युक्ती जगासमोर मांडली. तिचं नाव आहे एस्थर स्टर्स. सोशल मीडियावर (टिकटॉकवर) तिने शेअर केलेली ही “बॉटल ट्रिक” इतकी सोपी आहे की ती त्वरित व्हायरल झाली.

 ही “बॉटल ट्रिक” काय आहे?

एस्थरच्या मते, हॉटेल रूममध्ये प्रवेश करताच एक साधी रिकामी प्लास्टिक बाटली घ्या आणि ती सरळ बेडखाली रोल करा.

• जर बाटली दुसऱ्या बाजूला बाहेर आली – म्हणजे तिथे कोणी लपलेलं नाही.

• जर बाटली आतच अडकली – मग लगेच सावध व्हा आणि नीट तपासणी करा.

या छोट्याशा कृतीसाठी तुम्हाला वाकायची, बेड उचलायची किंवा आवाज करून इतरांचं लक्ष वेधायची गरज नसते. शांतपणे, नजरेत न आणता तुम्ही तुमचं सुरक्षिततेचं पाऊल उचलता.

जागतिक घडामोडी संबंधित बातम्या वाचण्यासाठी येथे क्लिक करा : JeM 313 Bases : भारतासाठी नवी कसोटी? ऑनलाइन फंडिंग, मशिदींतून देणग्या; पाकिस्तानला पुन्हा लागलेत दहशतवादाचे डोहाळे

 ही ट्रिक कोणासाठी महत्त्वाची?

• तळमजल्यावरच्या खोल्या (जिथे बाहेरून प्रवेश सोपा असतो)

• ज्या सुइट्समध्ये एकापेक्षा जास्त दरवाजे असतात

• रस्त्यालगत किंवा एकांत भागातली हॉटेल्स

या सगळ्या ठिकाणी ही बाटलीची युक्ती विशेषतः उपयुक्त ठरते.

 ही खबरदारी का आवश्यक आहे?

बहुतेक वेळा हॉटेल्स सुरक्षित असतात. परंतु इतिहासात असे अनेक प्रसंग घडले आहेत की घुसखोरांनी खोलीत शिरण्याचा मार्ग शोधला आणि प्रवाशांना धोका निर्माण झाला. बेडखाली लपणे ही जुन्या काळापासूनची एक सामान्य युक्ती आहे. म्हणूनच, बाटलीचा हा छोटा उपाय तुम्हाला मानसिक शांतता देतो. तुमची खोली सुरक्षित असल्याची खात्री मिळाल्यावर तुम्ही निर्धास्तपणे आराम करू शकता.

 फक्त बाटलीच नाही, या टिप्सही करा फॉलो

1. पोर्टेबल डोअर अलार्म बरोबर ठेवा. कोणी दरवाजा उघडायचा प्रयत्न केला तर तात्काळ अलर्ट मिळतो.

2. दरवाज्याचे लॉक आणि डेडबोल्ट व्यवस्थित बंद झाले आहेत का, ते तपासा.

3. पासपोर्ट, रोख रक्कम, लॅपटॉप यांसारख्या मौल्यवान वस्तू हॉटेल लॉकरमध्ये ठेवा.

4. हॉटेल बुक करण्याआधी त्या परिसराची आगाऊ माहिती मिळवा.

5. जर कधी असुरक्षित वाटलं तर ताबडतोब हॉटेल व्यवस्थापनाशी संपर्क साधा किंवा खोली बदला.

6. रात्री झोपताना मंद लाईट्स चालू ठेवा. यामुळे घुसखोर मागे हटतात.

जागतिक घडामोडी संबंधित बातम्या वाचण्यासाठी येथे क्लिक करा : Pakistan NOTAM Missile Test : क्षेपणास्त्र चाचणी की अर्थकारणावर वार? पाकिस्तानच्या संशयास्पद हालचालींमागे लपलाय मोठा डाव

 प्रवास भीतीशिवाय आणि आनंदाने

सोलो ट्रॅव्हल म्हणजे भीती नाही, तर आत्मविश्वासाची परीक्षा आहे. प्रवासात धोके असतातच, पण थोडीशी सतर्कता आणि चाणाक्षपणा दाखवला, तर प्रवास आणखी सुंदर, मजेदार आणि सुरक्षित होऊ शकतो. “बॉटल ट्रिक” ही छोटीशी खबरदारी महिलांसाठीच नव्हे तर प्रत्येक प्रवाशासाठी उपयुक्त आहे. अशा साध्या सवयी तुमचा प्रवास केवळ सुरक्षितच नाही तर पूर्णपणे तणावरहित करतात.