१५ मिनिटांमध्ये चेहऱ्यावर येईल पार्लरसारखा चमकदार ग्लो! डाळिंबाच्या सालीपासून घरीच तयार करा फेसपॅक, त्वचा होईल डागविरहित

त्वचेच्या समस्यांपासून सुटका मिळवण्यासाठी डाळिंबाच्या दाण्यांचा वापर करून फेसपॅक बनवावा. यामुळे त्वचेच्या अनेक समस्या दूर होतात आणि त्वचा अतिशय देखणी चमकदार दिसते.

बदलत्या ऋतूनुसार त्वचा आणि आरोग्यासंबंधित समस्या बदलत जातात. उन्हाळ्याच्या दिवसांमध्ये त्वचा खूप जास्त टॅन होते तर पावसाळ्यात काहींच्या चेहऱ्यावर सतत पिंपल्स आणि मुरूम येतात. त्यामुळे त्वचेच्या समस्या कमी करण्यासाठी योग्य स्किन केअर आणि त्वचेची काळजी घेणे आवश्यक आहे. बऱ्याचदा धावपळीच्या जीवनशैलीमुळे चेहऱ्याची जास्त काळजी घेण्यासाठी वेळ मिळत नाही. यामुळे त्वचा सुंदर होण्याऐवजी आणखीनच खराब होऊन जाते आणि त्वचेच्या समस्या वाढतात. आहारात होणारे बदल, तिखट तेलकट पदार्थांचे अतिसेवन, पाण्याची कमतरता, मानसिक तणाव आणि झोपेची कमतरता निर्माण झाल्यामुळे त्वचेच्या असंख्य समस्या उद्भवू लागतात. चेहऱ्यावर वाढलेले टॅनिंग आणि तेलकटपणा कमी करण्यासाठी महिला सतत वेगवेगळे फेसमास्क, फेसपॅक किंवा बाजारात उपलब्ध असलेल्या महागड्या ट्रीटमेंट करून घेतात. पण यामुळे फारसा बदल दिसून येत नाही.(फोटो सौजन्य – istock)

चेहऱ्यावर येईल गुलाबी ग्लो! १० रुपयांच्या बीटचा ‘या’ पद्धतीने करा वापर, त्वचा राहील कायमच चमकदार

चेहऱ्यावर आलेले पिंपल्सचे डाग क्रीम लावल्यानंतर काही होतात, पण कालांतराने त्यावर आणखीन फोड्या आणि मुरूम येऊन त्वचा निस्तेज होऊन जाते. त्वचेच्या वाढत्या समस्यांपासून आराम मिळवण्यासाठी कोणत्याही केमिकल युक्त प्रॉडक्टचा वापर करण्याऐवजी घरगुती उपाय करून त्वचेची काळजी घ्यावी. म्हणूनच आज आम्ही तुम्हाला डाळिंबाच्या सालीचा वापर करून फेसपॅक बनवण्याची सोपी कृती सांगणार आहोत. या पद्धतीने बनवलेला डाळिंबाचा फेसपॅक त्वचा आतून चमकदार करण्यास मदत करेल आणि चेहऱ्यावर आलेले डाग घालवण्यास मदत करेल. डाळिंबाचे दाणे त्वचा एक्सफोलिएट करण्यास मदत करते.

डाळिंबाचा फेसपॅक बनवण्यासाठी लागणारे साहित्य:

डाळिंबाचे दाणे
लिंबाचा रस
दही
साखर

कृती:

डाळिंबाच्या दाण्यांचा फेसपॅक बनवण्यासाठी सर्वप्रथम मिक्सरच्या भांड्यात डाळिंबाचे दाणे, दही आणि साखर एकत्र करून बारीक पेस्ट तयार करा. तयार केलेली पेस्ट वाटीमध्ये काढून त्यात लिंबाचा रस टाका आणि मिक्स करून घ्या. तयार केलेला फेसपॅक संपूर्ण चेहऱ्यावर आणि मानेवर लावून काहीवेळ तसेच ठेवा. त्यानंतर हलक्या हाताने चेहऱ्यावर मसाज करा. यामुळे त्वचेवर जमा झालेली डेड स्किन नष्ट होईल आणि त्वचा अतिशय उजळदार दिसेल. त्वचा आतून स्वच्छ ठेवण्यासाठी आणि चेहऱ्यावरील ग्लो वाढवण्यासाठी आठवड्यातून एकदा डाळिंबाच्या दाण्यांचा फेसपॅक लावा.

कोरडे केस होतील कायमचे स्मूथ! सोप्या पद्धतीमध्ये घरीच तयार करा गुलाबाचा पॅक, केसांना मिळेल पोषण

डाळिंबाच्या दाण्यांमध्ये अँटी-ऑक्सिडंट्स आणि विटामिन सी मोठ्या प्रमाणावर आढळून येते. यामुळे त्वचेला भरपूर पोषण मिळते. बाजारात उप्लब्ध असलेल्या महागड्या स्किन केअर प्रॉडक्टचा किंवा सीरामचा वापर करण्याऐवजी घरगुती उपाय करावेत. त्वचेवरील सुरकुत्या, बारीक रेषा आणि वाढत्या वयाच्या खुणा कमी करण्यासाठी डाळिंबाच्या दाण्यांचा किंवा सालीचा वापर करावा. त्वचेतील ‘कोलेजन’ वाढवण्यासाठी आहारात डाळिंबाच्या दाण्यांचे सेवन करावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.