Travel News : चालत्या ट्रेनमध्ये अलार्म चेन ओढली तर काय होतं? जाणून घ्या नियम आणि दंड

रेल्वेच्या डब्यातील लाल रंगाची अलार्म चेन ही आपत्कालीन परिस्थितीत प्रवाशांच्या मदतीसाठी असते. मात्र विनाकारण चेन ओढल्यास कायदेशीर कारवाई आणि दंड होऊ शकतो.

• विनाकारण चेन ओढल्यास होऊ शकते कायदेशीर कारवाई
• प्रवाशाची तब्येत बिघडणे किंवा गंभीर आपत्कालीन परिस्थितीत चेन ओढता येते
• सीसीटीव्ही नसला तरी चेन ओढणारा प्रवासी कसा पकडला जातो?

रेल्वेतून प्रवास करताना डब्यातील लाल रंगाचा चेनकडे तर तुमचे अनेकदा लक्ष गेले असेल. या चेनकडे पाहून कधी याला ओढण्याचा विचार तुमच्या मनात आलाय का? लक्षात घ्या रेल्वेत काही इमरजेंसी असेल तेव्हा ही चेन खेचली जाऊ शकते. पण उगाच कारण नसताना जर ही चेन ओढली तर समस्या वाढू शकतात. आज या लेखात आपण चेनचे कार्य, तिचा वापर का करतात आणि विनाकारण चेन ओढल्यास कोणत्या समस्या उद्भवू शकतात याविषयीची सर्व सविस्तर माहिती जाणून घेणार आहोत.

Travel News : भारतातील अनोखा समुद्रकिनारा जिथे लाटा अचानक होतात गायब, अनेक तासांनी परतते पाणी

विनाकारण चेन ओढल्यास शिक्षा होऊ शकते?

लक्षात घ्या, जर कोणत्या प्रवाशाने विनाकारण रेल्वेतील लाल चेन ओढली तर रेल्वे कायद्याच्या कलम १४१ अंतर्गत त्याच्यावर कठोर कारवाई होऊ शकते. या गुन्ह्यासाठी तुमच्यावर १ वर्षांची पोलिस कोठडी देखील होऊ शकते. तसेच १००० रुपयांपर्यंतचा दंड तुमच्याकडून आकारला जाईल. काही प्रकरणांत जेल आणि दंड दोन्हींची शिक्षा होऊ शकते. मुख्य म्हणजे पोलिस ठाण्यात तुमच्यावर हा गुन्हा कायमस्वरूपी नोंदवला जाईल ज्यामुळे भविष्यात जर तुमची सरकारी नोकरीच्या शोधात असाल तर तुम्हाला पुढे जाऊन अनेक अडचणींचा सामना करावा लागेल.

कोणत्या परिस्थितीत चेन ओढणे बरोबर मानले जाईल?

• जर रेल्वे सुरु झाली आणि तुमच्यासोबतची वृद्ध व्यक्ती, लहान मुलगा किंवा दिव्यांग व्यक्ती प्लॅटफाॅर्मवर राहिला असेल तर अशा परिस्थितीत तुम्ही चेन ओढून रेल्वेला थांबवू शकता.
• रेल्वेत प्रवास करताना जर कोणत्या प्रवाशाची अचानक तब्बेत बिघडली तर तत्काळ उपाचारासाठी चेन ओढून रेल्वेला थांबवता येऊ शकते.
• रेल्वेत दरोडा किंवा लूटमार यांसारखी कोणती मोठी घटना घडल्यास चेन ओढली जाऊ शकते.

आनंदी आणि तणावमुक्त जीवनाचं सीक्रेट; जपानी जीवनशैलीच्या ६ सवयी ठरतीय फायदेशीर

सीसीटीव्ही नाही मग प्रवाशाला पकडणार कसं?

अनेकदा लोकांना वाटतं की, रेल्वेत सीसीटीव्ही कॅमेरे नसल्याने चेन विनाकारण ओढली तरी आपण पकडले जाऊ शकत नाही. पण तसं नाहीये, खरंतर रेल्वे सिस्टीम तुमच्या कल्पनेपेक्षा अधिक स्मार्ट आहे. जेव्हाही प्रवासी रेल्वेची लाल चेन ओढतो तेव्हा बाहेरील एक छोटा एअर व्हॉल्व्ह लगेच फिरतो. हवा बाहेर पडताना या व्हॉल्व्हमधून एक मोठा आवाज येतो. या आवाजाचा मागोवा घेत रेल्वे सुरक्षा दल आणि लोको पायलट लगेच डब्याजवळ येऊन गुन्हेगाराला रंगेहात पकडतात.