प्रिझर्व्हेटिव्हयुक्य बाजारातील हानिकारक सॉस खाण्याऐवजी सोप्या पद्धतीमध्ये बनवा चटपटीत टोमॅटो सॉस, नोट करा रेसिपी

आज आम्ही तुम्हाला सोप्या पद्धतीमध्ये टोमॅटो सॉस बनवण्याची रेसिपी सांगणार आहोत. या पद्धतीने बनवलेला सॉस चवीसोबतच शरीरासाठी सुद्धा खूप जास्त फायदेशीर आहे. चला तर जाणून घेऊया रेसिपी.

घरात समोसा, भजी किंवा सँडविच आणल्यानंतर त्यासोबत टोमॅटो सॉस खाल्ला जातो. लहान मुलांपासून ते अगदी मोठ्यांपर्यंत सगळ्यांचं विविध पदार्थांसोबत सॉस खायला खूप जास्त आवडतो. सॉससोबत चपाती, ब्रेड, पॅटीस इत्यादी वेगवेगळे पदार्थ अतिशय आवडीने खाल्ले जातात. पण बाजारात उपलब्ध असलेल्या सॉसमध्ये अनेकदा भरपूर प्रिझर्व्हेटिव्ह, रसायने आणि अतिरिक्त साखरेचा वापर केला जातो. हानिकारक रसायनाचा वापर करून बनवलेले पदार्थ खाल्ल्यामुळे उच्च रक्तदाब वाढून आरोग्य बिघडते. त्यामुळे विकतचा सॉस बनवून खाण्याऐवजी घरी बनवलेला सॉस खावा. घरी बनवलेल्या कोणत्याही पदार्थामध्ये शरीरास हानी पोहचवणाऱ्या पदार्थांचा अजिबात वापर केला जात नाही. चला तर जाणून घेऊया टोमॅटो सॉस बनवण्याची सोपी रेसिपी.(फोटो सौजन्य – istock)

Independence Day 2026 : स्वातंत्र्यदिनाची सकाळ करा खास, घरी बनवा ‘तिरंगी सँडविच’

साहित्य:

• टोमॅटो
• लसूण
• आलं
• कांदा
• साखर
• व्हिनेगर
• लाल मिरची पावडर
• गरम मसाला
• मीठ

संध्याकाळच्या स्नॅक्ससाठी उत्तम पर्याय! १० मिनिटांमध्ये झटपट बनवा कुरकुरीत कच्च्या केळ्याची टिक्की, नोट करा रेसिपी

कृती:

• टोमॅटो सॉस बनवण्यासाठी सर्वप्रथम, टोमटो स्वच्छ धुवून चार तुकडे करा. कुकरच्या भांड्यात टोमॅटो, कांदे, आले आणि लसूण घालून त्यात थोडस पाणी घाला आणि शिजण्यासाठी ठेवा.
• कुकरची एक शिट्टी झाल्यानंतर गॅस बंद करून सर्व मिश्रण थंड करण्यासाठी ठेवा. थंड झालेले पदार्थ मिक्सरच्या भांड्यात टाकून बारीक पेस्ट बनवा.
• तयार केलेली पेस्ट गाळणीच्या मदतीने पूर्णपणे चाळून घ्या. यामुळे जाडसरपणा कमी होईल आणि पेस्ट व्यवस्थित बारीक होईल.
• पॅनमध्ये तयार केलेले मिश्रण ओतून मंद आचेवर शिजण्यासाठी ठेवा. त्यानंतर त्यात साखर, दोन्ही प्रकारचे मीठ, काश्मिरी लाल मिरची आणि गरम मसाला घालून व्यवस्थित मिक्स करा.
• तयार केलेला सॉस घट्ट झाल्यानंतर त्यात पांढरे व्हिनेगर घालून व्यवस्थित मिक्स करा. व्हिनेगर घातल्यामुळे सॉस जास्त दिवस व्यवस्थित टिकून राहतो.
• सॉस पूर्णपणे घट्ट झाल्यानंतर गॅस बंद करून थंड करण्यासाठी ठेवा. थंड झालेला सॉस काचेच्या बरणीमध्ये भरून ठेवा.
• तयार आहे सोप्या पद्धतीमध्ये बनवलेला चटपटीत टोमॅटो सॉस.