महागड्या Makeup Remover चा वापर करण्याऐवजी 'हे' पदार्थ वापरून काढा चेहऱ्यावरील मेकअप, त्वचा होईल स्वच्छ
Makeup Remover: लग्न समारंभ, सणवार आणि घरातील कार्यक्रमांच्या वेळी स्त्रिया सुंदर मेकअप, हेअर स्टाईल करून तयार होतात. तसेच कामानिमित्त बाहेर जाताना चेहऱ्यावर हलकासा मेकअप कायमच केला जातो. बऱ्याच स्त्रिया मेकअप केल्याशिवाय घरातून बाहेर जात नाहीत. मेकअप केल्यानंतर सौंदर्यात भर पडते आणि आत्मविश्वास वाढण्यासोबतच चेहरा आकर्षक दिसतो. संपूर्ण दिवसभर मेकअप ठेवल्यानंतर तो रात्रीच्या वेळी स्वच्छ करणे फार आवश्यक आहे. अन्यथा छिद्रांमध्ये घाण जमा होऊन पिंपल्स, ऍक्ने किंवा चेहऱ्यावर अकाली सुरकुत्या येऊ शकतात. पण बऱ्याचदा कामाच्या धावपळीमध्ये स्त्रिया मेकअप काढणे विसरून जातात. यामुळे त्वचेचे खूप जास्त नुकसान होते.(फोटो सौजन्य – istock)
चेहऱ्यावरील मेकअप रात्री झोपण्याआधी न काढल्यास मेकअपचे बारीक कण आणि रासायनिक घटक त्वचेच्या रोमछिद्रामध्ये अडकून बसतात, ज्याच्या परिणामामुळे ऑक्सिजनचा पुरवठा थांबतो आणि चेहऱ्यावर पिंपल्स, मुरुम, व्हाईटहेड्स, ब्लॅकहेड्स येऊन त्वचा निस्तेज होऊन जाते. त्यामुळे चेहऱ्यावरील मेकअप काढण्यासाठी कायमच महागड्या प्रॉडक्टचा वापर करण्याऐवजी स्वयंपाक घरात उपलब्ध असलेले पदार्थ वापरावेत. यामुळे मेकअप सहज निघतो आणि त्वचेचे कोणतेही नुकसान होत नाही.
घट्ट फाऊंडेशन, वॉटरप्रूफ मस्करा, लिपस्टिक आणि आयलाइनर काढण्यासाठी खोबरेल तेलाचा वापर करावा. खोबरेल तेलात असलेले नैसर्गिक घटक त्वचेवरील मेकअप सहज काढतात. याशिवाय बेबी ऑईलचा सुद्धा वापर करू शकता. एका स्वच्छ कॉटन पॅडवर तेल घेऊन संपूर्ण चेहऱ्यावर हलक्या हाताने फिरवावे. हलक्या हाताने चेहऱ्यावरील मेकअप काढल्यास तो सहज निघतो. तेल केवळ मेकअप काढत नाहीतर त्वचेवर जमा झालेली घाण सुद्धा स्वच्छ करण्यास मदत करतो. मेकअप काढल्यानंतर केवळ तेलावर अवलंबून न राहता फेसवॉश करणे सुद्धा तितकेच आवश्यक आहे.
कोरफड त्वचेसाठी वरदान मानली जाते. कोरफड जेल त्वचेच्या असंख्य समस्या कमी करण्यास मदत करते. त्वचा थंड आणि कायमच फ्रेश ठेवण्यासाठी कोरफड जेलचा वापर करावा. हातांवर कोरफड जेल घेऊन संपूर्ण चेहऱ्यावर लावावे आणि हलक्या हाताने मसाज करा. यामुळे काही सेकंदांमध्ये मेकअप वितळून जाईल. त्यानंतर टिश्यू पेपरने किंवा कॉटन पॅडने चेहरा स्वच्छ करून घ्या. यामुळे त्वचा कायमच फ्रेश दिसेल. कोरफड जेलच्या वापरामुळे त्वचेवर कोणत्याही प्रकारची जळजळ होत नाही.
मेकअप काढताना त्वचेची योग्य काळजी घेणे फार आवश्यक आहे. मेकअप काढण्यासाठी त्वचा जोरजोरात घासू नये. चेहऱ्यावर वाढलेला तेलकटपणा कमी करण्यासाठी मेकअप काढल्यानंतर त्वचा फेशवॉश करणे फारच आवश्यक आहे. त्वचा पाण्याने स्वच्छ धुवून झाल्यानंतर कोरडी करून घ्यावी. यामुळे त्वचेच्या रोमछिद्रांमध्ये उरलीसुरलेली घाण किंवा केमिकल्स पूर्णपणे नष्ट होण्यास मदत होते आणि चेहरा फ्रेश दिसतो.
Ans: मेकअप काढण्यासाठी त्वचेला अनुकूल असलेले नारळाचे तेल, मिनरल ऑइल किंवा सुगंधरहित क्लिन्झिंग ऑइल वापरता येते. मात्र, प्रत्येक पदार्थ प्रत्येकाच्या त्वचेला सूट होईलच असे नाही.
Ans: होय, नारळाचे तेल काही प्रकारचा मेकअप विरघळवण्यास मदत करू शकते. मात्र, तेलकट किंवा मुरुमांची समस्या असलेल्या त्वचेला ते सूट न होण्याची शक्यता असते.
Ans: एलोवेरा जेल त्वचेला ओलावा देण्यास मदत करू शकते; परंतु ते सर्व प्रकारचा मेकअप, विशेषतः वॉटरप्रूफ मेकअप, पूर्णपणे काढण्यासाठी पुरेसे नसते. त्याऐवजी योग्य क्लिन्झर वापरणे चांगले.
.png "Videos"){kind=small}
