Pigmentation: दिवाळीपर्यंत चेहऱ्यावरील काळे डाग होतील नाहीसे! महागड्या क्रीमचा वापर करण्याऐवजी करा ‘हे’ घरगुती उपाय

Pigmentation: चेहऱ्यावर आलेले काळे डाग घालवण्यासाठी बाजारात उपलब्ध असलेल्या महागड्या प्रॉडक्टचा वापर करण्याऐवजी घरगुती उपाय करावेत. घरगुती उपाय केल्यामुळे महिनाभरात त्वचा स्वच्छ होते आणि त्वचेच्या समस्या कमी होतात.

चेहऱ्यावर काळे डाग येण्याची कारणे?
त्वचा उजळदार करण्यासाठी उपाय?
पिंपल्स घालवण्यासाठी काय करावे?

Pigmentation: बदलती जीवनशैली, वाढते प्रदूषण आणि ताणतणावामुळे शरीरासोबतच त्वचेमध्ये सुद्धा अनेक बदल दिसून येतात. चेहऱ्यावर पिंपल्स येणे, काळे डाग, सुरकुत्या, पिगमेंटेशन इत्यादी अनेक समस्या वाढू लागतात. त्वचेच्या समस्या वाढू लागल्यानंतर सुरुवातीच्या दिवसांमध्ये अजिबात लक्ष दिले जात नाही. कालांतराने चेहरा पूर्णपणे खराब होऊन जाते. दिवाळी सणाला अवघे काही दिवस शिल्लक राहिले आहेत. सणावारांच्या दिवसांमध्ये त्वचेवरील ग्लो वाढवण्यासाठी फेशिअल किंवा क्लीनअप करून घेतले जाते. पण यामुळे चेहऱ्यावर तात्पुरता ग्लो येतो आणि काही दिवसानानंतर त्वचा होती तशीच होऊन जाते. बाजारात मिळणाऱ्या महागड्या क्रिम्स, रासायनिक ट्रीटमेंट्स त्वचेसाठी कायमच गुणकारी ठरत नाही. त्यामुळे चेहऱ्यावर आलेले काळे डाग घालवण्यासाठी हे घरगुती उपाय केल्यास दिवाळीपूर्वी चेहरा खूप फ्रेश आणि चमकदार दिसेल.(फोटो सौजन्य – istock)

Skin Care Tips: कोलेजन क्रीम अन् सप्लिमेंट्स खरंच काम करतात? की फक्त मार्केटिंगचा खेळ; तज्ज्ञांनी सांगितलं सत्य

चेहऱ्यावरील काळे डाग घालवण्यासाठी आयुर्वेदिक उपाय:

आयुर्वेदामध्ये ज्येष्ठमधाला खूप जास्त महत्व आहे. यामध्ये असलेले गुणकारी घटक चेहऱ्यावर वाढलेला टॅन कमी करण्यास मदत करतात. पिग्मेंटेशन कमी करण्यासाठी जेष्ठमधापासून बनवलेला फेसपॅक चेहऱ्यावर लावावा. यासाठी वाटीमध्ये जेष्ठमध पावडर घेऊन त्यात दही मिक्स करावे. तयार केलेली पेस्ट मिक्स करून झाल्यानंतर ब्रशच्या मदतीने संपूर्ण चेहऱ्यावर आणि मानेवर लावून काहीवेळ तशीच ठेवा. फेसपॅक पूर्णपणे सुकल्यानंतर त्वचा पाण्याने स्वच्छ करून घ्या. हा फेसपॅक आठवड्यातून दोनदा किंवा तीनदा चेहऱ्यावर लावल्यास टॅन कमी होण्यास मदत होईल.

काळी पडलेली त्वचा उजळदार करण्यासाठी तांदूळ, बटाटा आणि बीटचा वापर करावा. फेसपॅक बनवण्यासाठी तांदूळ, बटाटा, टोमॅटो आणि बीट एकत्र करून शिजवून घ्यावे. शिजवून घेतलेले मिश्रण मॅश करून कॉटनच्या कपड्यात बांधून कच्च्या दुधात बुडवून संपूर्ण चेहऱ्यावर लावावे. यामुळे त्वचा खोलवर स्वच्छ होण्यास मदत होते आणि त्वचेच्या छिद्रांमध्ये जमा झालेली घाण बाहेर पडून जाते. त्वचेचा रंग उजळदार करण्यासाठी कायमच महागड्या प्रॉडक्टची आवश्यकता नसते तर स्वयंपाक घरात उपलब्ध असलेले पदार्थ सुद्धा टॅन आणि काळे डाग घालवण्यास मदत करतात.

Eyebrow Hair Care: ७ दिवसांमध्ये भुवया होतील दाट! आयब्रो सुंदर आणि उठावदार दिसण्यासाठी करा ‘हे’ सोपे घरगुती उपाय

चेहऱ्यावर पिगमेंटेशन वाढवण्यासोबतच खाज सुटणे, जळजळ होणे इत्यादी समस्या सुद्धा वाढू लागतात. संवेदनशील त्वचेवर तुळशीच्या पानांचा रस लावणे गुणकारी ठरते. काचेच्या वाटीमध्ये २० तुळशीची पाने घेऊन पाण्यात रात्रभर भिजत ठेवा. सकाळी उठल्यानंतर तयार केलेले पाणी कापसाच्या मदतीने संपूर्ण चेहऱ्यावर लावून काहीवेळ तसेच ठेवा. यामुळे काळे डाग कमी होण्यास मदत होईल आणि चेहरा स्वच्छ दिसेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.