Natural Black Hair: पांढरे केस मुळांपासून होतील काळेभोर! नॅचरल ब्लॅक लूकसाठी ‘या’ पद्धतीने केसांना लावा मेहंदी

Natural Black Hair: तरूण वयात केस पांढरे झाल्यानंतर ते काळे करण्यासाठी हेअर डाय, कलर इत्यादी अनेक गोष्टी केल्या जातात. पण त्याऐवजी आवळ्याच्या पावडरचा वापर केसांसाठी करावा. यामुळे केसांची नैसर्गिक चमक कायम टिकून राहते आणि केस काळेभोर दिसतात.

Natural Black Hair: सर्वच महिलांना आपले केस कायमच चमकदार आणि सुंदर हवे असतात. केसांच्या वाढीसाठी आणि केस काळेभोर दिसण्यासाठी अनेक वेगवेगळे उपाय केले जातात. पण जीवनशैलीत होणारे बदल, मानसिक तणाव आणि खाण्यापिण्याच्या सवयींमध्ये सतत होणाऱ्या बदलांमुळे तरूण वयातच केस पांढरे होऊन जातात. केस पांढरे होणे ही अतिशय सामान्य समस्या आहे. पांढऱ्या केसांपासून सुटका मिळवण्यासाठी महिला केमिकलयुक्त हेअर कलर्स, डाय, हेअर मास्क, हेअर सीरम इत्यादी अनेक गोष्टी करतात. पण वांरवांर हेअर कलर केल्यामुळे केसांची मूळ कमकुवत होऊन जातात आणि केस झपाट्याने गळतात. त्यामुळे केसांची काळजी घेताना केमिकल हेअर कलरचा वापर करणे टाळावे.(फोटो सौजन्य – istock)

Eyebrow Hair Care: ७ दिवसांमध्ये भुवया होतील दाट! आयब्रो सुंदर आणि उठावदार दिसण्यासाठी करा ‘हे’ सोपे घरगुती उपाय

पांढरे केस प्रामुख्याने काळे किंवा लाल केले जातात. मेहेंदी लावल्यामुळे केसांना लालसर रंग दिसू लागतो. मेहेंदीमध्ये असलेले रासायनिक घटक केसांची नैसर्गिक गुणवत्ता खराब करून टाकतात. त्यामुळे मेहेंदीचा वापर करण्याऐवजी नैसर्गिक घटकांनी समृद्ध असलेल्या पदार्थांचा वापर केसांसाठी करावा. बाजारातील हानिकारक केमिकल उत्पादनांचा वापर केल्यामुळे काही दिवसांपुरता फरक दिसून येतो. मात्र पुन्हा एकदा केस होते तसेच होऊन जातात. त्यामुळे पांढरे केस मुळापासून काळे करण्यासाठी या पदार्थांचा वापर करुन बनवलेला हेअर मास्क वापरावा. यामुळे केसांची खराब झालेली गुणवत्ता सुधारण्यास मदत होईल आणि केस काळेभोर दिसतील.

केसांना नैसर्गिक काळा रंग घरगुती उपाय:

केसांना नैसर्गिक काळा रंग येण्यासाठी सगळ्यात आधी सुकवलेले किंवा कच्चे आवळे ५ ते ६ तास पाण्यात भिजत घालून ठेवा. त्यानंतर आतील बिया काढून मध्यम आकारात तुकडे करून घ्या. मिक्सरच्या भांड्यात थोडे पाणी आणि आवळे घालून बारीक पेस्ट तयार करा. तयार केलेली पेस्ट लोखंडी कढईमध्ये ओतून रात्रभर तशीच झाकून ठेवा. यामुळे आवळ्याचा रंग गडद होण्यास मदत होईल. यामुळे पांढरे केस मुळांपासून काळे होण्यास मदत होईल आणि केसांच्या समस्यांपासून सुटका मिळेल.

Hair Care: लग्नाच्या २ महिने आधीपासूनच घ्या केसांची काळजी! घनदाट केसांसाठी आजीबाईच्या बटव्यातील ‘हा’ उपाय केल्यास केस होतील घनदाट

लोखंडी कढईत ठेवलेली पेस्ट दुसऱ्यादिवशी व्यवस्थित मिक्स करून घ्या. त्यानंतर त्यात लिंबाचा मिक्स आणि गरजेनुसार कोणतीही चांगली मेहेंदी मिक्स करून घ्या. तयार केलेल्या मिश्रणात अजिबात गुठळ्या ठेवू नये. केसांवर मेहेंदी लावण्याआधी केस विंचरुन घ्यावेत. त्यानंतर केसांवर आणि स्कॅल्पवर तयार केलेली मेहेंदी लावून ३ तास तशीच लावून ठेवून द्या. मेहेंदी लावल्यानंतर डोक्यावर शॉवर कॅप घालणे फायदेशीर ठरेल. ३ तासानंतर केस पाण्याने स्वच्छ धुवून घ्या. दुसऱ्या दिवशी शाम्पूने केस धुतल्यास केसांचा रंग काळा झालेला दिसेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.