IRCTC चे जबरदस्त Kashmir Tour Package, किंमत फक्त 27 हजाराने सुरू…

Kashmir Tour Package : भारतीय रेल्वेचे “JEWELS OF KASHMIR EX AMRITSAR” पॅकेज 5 रात्री 6 दिवसांत श्रीनगर, गुलमर्ग, पहलगाम, सोनमर्गची सफर घडवते. यात फ्लाइट, हॉटेल, हाऊसबोट आणि जेवणाचा समावेश आहे. 

• काश्मीर भारतातील सर्वात सुंदर ठिकांणांपैकी एक आहे.
• दररोज हजारो पर्यटक काश्मीरला भेट देतात.
• भारतीय रेल्वे तुमच्यासाठी खास काश्मीर टूर पॅकेज घेऊन आले आहे.

फिरायला आवडणारे लोक वर्षातून किमान एक तरी ट्रिप प्लॅन करतच असतात. तुमचंही स्वप्न आहे का काश्मीरच्या निसर्गरम्य दऱ्यांमध्ये फिरण्याचं? बर्फाच्छादित पर्वत, शांत तलाव, शिकाऱ्यांची सफर आणि रंगीबेरंगी ट्युलिप गार्डन यामुळे काश्मीरला “धरतीवरील स्वर्ग” म्हटलं जातं. मार्च ते एप्रिल या काळात इथला निसर्ग विशेष खुलून दिसतो. अशा वेळी भारतीय रेल्वेचं खास काश्मीर टूर पॅकेज प्रवाशांसाठी उत्तम संधी ठरू शकतं.

कर्नाटकच्या या मंदिरात रंगांनी नाही तर राखेने खेळली जाते होळी, कामदेव आणि शंकराशी जोडला आहे इतिहास

भारतीय रेल्वेच्या पर्यटन विभागाकडून दरवर्षी विविध आकर्षक टूर पॅकेजेस जाहीर केली जातात. याच मालिकेत “JEWELS OF KASHMIR EX AMRITSAR” हे खास पॅकेज सादर करण्यात आले आहे. या पॅकेजच्या माध्यमातून काश्मीरमधील प्रमुख पर्यटनस्थळांना भेट देण्याची संधी मिळणार आहे.

पॅकेजविषयी महत्त्वाची माहिती

• या टूरची सुरुवात 18 मार्चपासून होणार आहे.
• अमृतसर येथून प्रवासी या सहलीला प्रस्थान करू शकतात.
• सहलीदरम्यान गुलमर्ग, पहलगाम, सोनमर्ग आणि श्रीनगर या प्रसिद्ध ठिकाणांना भेट दिली जाईल.
• एकूण कालावधी 5 रात्री आणि 6 दिवसांचा आहे.
• पॅकेजचे नाव “JEWELS OF KASHMIR EX AMRITSAR” असे असून, अधिकृत संकेतस्थळावर शोधून सविस्तर माहिती मिळू शकते.
• प्रवासासाठी सुरुवातीला विमानाची सोय असून, काश्मीरमध्ये स्थानिक पर्यटनासाठी बसची सुविधा दिली जाईल.

पॅकेज फी

• एकट्याने प्रवास करणाऱ्यांसाठी शुल्क: ₹38,900
• दोन जणांसाठी प्रति व्यक्ती शुल्क: ₹27,730
• तीन जण एकत्र प्रवास करत असल्यास प्रति व्यक्ती शुल्क: ₹26,160
• मुलांसाठी शुल्क: ₹20,110

पॅरीस, मालदीव नाही तर हनिमूनसाठी हे डेस्टिनेशन्स ठरतायंत खास, निसर्गाच्या सानिध्यात घेता येतो रोमँटिक वातावरणाचा अनुभव

पॅकेजमध्ये समाविष्ट सुविधा

• विमान प्रवासाचा खर्च पॅकेजमध्येच समाविष्ट आहे.
• पर्यटनस्थळांच्या भेटीसाठी टेम्पो ट्रॅव्हलरमधून शेअरिंग पद्धतीने प्रवास.
• श्रीनगर आणि पहलगाम येथे हॉटेलमध्ये निवास व्यवस्था.
• हाऊसबोटमध्ये एक रात्रीचा खास मुक्काम.
• 5 दिवसांचा नाश्ता आणि 5 रात्रींचे जेवण पॅकेजमध्ये समाविष्ट.

जर तुम्ही वसंत ऋतूमध्ये काश्मीरच्या सुंदर निसर्गाचा आनंद घेण्याचा विचार करत असाल, तर हे पॅकेज तुमच्यासाठी सोयीस्कर आणि परवडणारा पर्याय ठरू शकते. योग्य नियोजन करून या अविस्मरणीय सहलीचा आनंद घ्या.